水苔插種修葉 (Honey Blue Angel﹠Rob’s Pink Buttercups)

第日會唔會用番泥種架?

Rob’s Pink Buttercups D葉好可愛, 顏色不同有D似2個唔同品種生在一起 ^__^

sfish 發表於 2014-3-27 15:42
第日會唔會用番泥種架?

唔會！

係咪種得好樣衰，啲葉生到亂七八糟呢？哈哈！
因為佢而家生既根係水根，如果轉番泥種AV又要生過泥根重新適應環境....

我初初用水苔濕種目的都係想試下係咪成功渡過炎夏！

我個棵仲未有反應...

繼續耐心等侯

hiatus 犀利~ 又多又健康。Buttercups有多既話可否交換呀^^

因為修葉係花友相贈，如果再轉贈好似唔係咁好！

其實，早幾日嘗試分株但唔成功，因為發現葉芽仲係好幼小脆弱，等第時再大多D至分株或修葉，稍等，好嗎？

阿火 發表於 2014-3-27 15:56
hiatus 犀利~ 又多又健康。Buttercups有多既話可否交換呀^^

因為修葉係花友相贈，如果再轉贈 ...

轉贈唔好既嘛，我分享時都希望大家可以傳承呢~    不過都要尊重分享比你個位花友意思啦。
我唔急呀，小苗健康最重要！

小苗太弱確實不宜分株。如果小苗之間有獨立根莖，成活率就會高很多。
個人體會，有根的小苗分株之後唔好一次性澆太多水，好容易浸壞根部。

sfish 重得好好喎, 因為我而家用水浸根, 容易D出根, 但一入泥就會變慢左, 成日唔知佢是生是死....T.T'' 上次有C兄答話最緊要保濕, 可能泥面好難睇得出...=.=

之前講過，因為水浸出來既根係水根，所以入泥後AV重新適應生泥根，過左一段時間穩定後用泥種AV應該較水苔種AV快些少！

我本來水浸有水根，想問下係可否改用水苔種，
另外水苔要不要保持濕潤，我盆AV用水苔冇穿底，

有一棵奶油杯紅紅地咁得意既??
你就好啦出咁多斑~
我棵阿媽死都唔肯出，果然係女人

可以傳承落去是好事~~
我的也是分享回來的~加油!

fatcat 發表於 2014-3-28 19:21
我本來水浸有水根，想問下係可否改用水苔種，
另外水苔要不要保持濕潤，我盆AV用水苔冇穿底， ...

水根直接用水苔種植就可以，因為水苔種植出來既根都係水根。

水苔種植有分別水苔乾種或水苔濕種，底部密封就係水苔濕種！
水苔濕種頗為接近水耕種植，我就係用緊水苔濕種(底部密封)。

水苔要保持濕潤，否則水根太乾植株既健康會受到影響。

我比較蠢想問多個問題，係咪可以有水放在盆裏浸住水苔，多謝

fatcat 發表於 2014-3-29 00:38
我比較蠢想問多個問題，係咪可以有水放在盆裏浸住水苔，多謝

如果修葉由浸水而出根開始，我通常會盡量用番同樣setting即係容器裡面加幾多水都唔理。

如果修葉由插水苔而出根開始，我就會做番水苔濕度一樣即係容器裡面唔會注太多水，只求水苔保持濕潤就算！
日後等修葉適應每之次注水佔容器一成水左右。

想請問下buttercups 啲新葉唔同色嘅？係咪正常嫁？我果盤都係咁樣，同埋柄有啲紅係咪都正常呢？新手問謝謝

明白啦！多謝阿火大人

有沒有在花架加風扇？可以在夏天減低溫度。

u915 發表於 2014-3-29 14:54
有沒有在花架加風扇？可以在夏天減低溫度。

沒有。
其實，我參考台灣花友既方法嘗試用水苔種植就係想抵受炎熱成功渡夏....

愛小姐 發表於 2014-3-29 09:29
想請問下buttercups 啲新葉唔同色嘅？係咪正常嫁？我果盤都係咁樣，同埋柄有啲紅係咪都正常呢？新手問 ...

係我種得唔好，我估係過光或過肥才導致葉同柄變成咁啫....

阿火 發表於 2014-3-29 17:05
係我種得唔好，我估係過光或過肥才導致葉同柄變成咁啫....

咁我諗我係過光了，因為我落好薄好薄嘅肥，我盤同你啲色好似，都係中間啡左 多謝指教

趁而家天氣仲未熱我又試下換水苔種先

阿火 發表於 2014-3-29 17:05
係我種得唔好，我估係過光或過肥才導致葉同柄變成咁啫....

請問,水苔種的施肥方法和比例,謝謝