新手黎打個招呼 - 有關種香草

各位好 ! 我係新人, 多多指教 !!
因為最近被網友"毒害", 愛上種植 (XDDDDDDDDD) , 自己又好中意食野,所以都想種一D有得食0既植物 .
我早前在花墟購入"草莓盤" , 想將不同種類的香草種在一起. 未知各位有無如斯經驗 ? 可否分享 ?
我知不同植物的種植環境都不同, 所以都想先做資料搜集 . 就我搵到0既資料 : 百里香 , 薄荷, 九層塔,  rosemary 都可以一齊種, 因為所需要的氣候環境都差不多 . 有無其他好介紹呢 ?
先多謝各位指點 ! :icon23

我買到0既草莓盤 ~~好重 !!! 係素燒盤來的 ~  

薄荷, 九層塔,  rosemary 我都種過。香港天氣中國薄荷 ，rosemary 全年都生長良好，要多陽光，注意坭不可太乾。 九層塔夏季生長旺盛，夏/秋季有花，冬季死亡。我覺得檸檬薄荷夏季很難種，植株很弱。生長旺盛時採集乾燥備用。因各人種植環境有異，自己掌握改變才能成功。

我想問個盤D洞係咪相連GA?

原帖由 JicJicmom 於 2008-6-23 16:05 發表
我買到0既草莓盤 ~~好重 !!! 係素燒盤來的 ~  46698

個草莓盆係專為種草莓而設計架?
o係繽繽見過~

一直想買草莓盤,但見到時我巳經冇晒位
而樓主呢個盆仲要係我最鍾意既素燒(另外就係紫砂)
請問幾銀?

hcheung : D 窿係相連架. 所以我至覺得可能要種一d環境比相近0既植物.
whishy : 我上 yahoo / google 睇過就係話種草莓用,所以叫草莓盤/罐. 我覺得真係響d窿d吊d草莓出黎都幾可愛下 ~~~
羊咩咩 : 呢隻盤有 1/2 平背款 @$150, 我呢一隻 @$165 ,響繽紛有得賣. 佢有2間店都有架 ( 一間係園藝店, 另一間係角落頭3層大舖 ,隻盤就響地面呢一層. )
我好中意素燒盤 , 感覺好原始好大自然. 但奈何香港唔多.

窿係相連?? 咁係咪預你將植物連盆放入D窿到？我初初以為係放泥入去種添！

可能係我表達得唔好 : 呢個盤係直接倒泥落去種.
你想像下佢係一個花瓶 ,只係響側邊開左D袋口出黎 .
呢D袋口太細喇 , 無可能比我連盤咁放D野入袋口度.......
會唔會易明D ?

有咩好處??

原帖由 JicJicmom 於 2008-7-2 13:55 發表
可能係我表達得唔好 : 呢個盤係直接倒泥落去種.
你想像下佢係一個花瓶 ,只係響側邊開左D袋口出黎 .
呢D袋口太細喇 , 無可能比我連盤咁放D野入袋口度.......
會唔會易明D ? ...

o下，咁咪落好多泥囉？

我係bunbun買D穿窿素燒盆, 甩色架, 洗極D水都係啡色

虛宿寶瓶 : 以個盤0既容積, 真係要落幾多泥架..... 我響下面墊左 1/3 珠石 + 碳粒 . 2/3 係裝泥.
蛀米虫 : 講真誠我唔知有乜野好處 ,但可以響一盤入面種數種植物 + 外形得意 , 我覺得好開心呀~~
SAMMY : 我以前學過陶瓷制作, 知道呢隻盤無上過任何色 / 釉彩, 應該唔會甩色. 繽紛其他細小0既素燒盤, 外層塗左一層顏色 + 頭重腳輕 , 我唔係太中意 .

有個網友叫carol

佢都有個香草盆