環保酵素一問

今年10月再試做環保酵素(全橙皮), 發覺出現左少少問題, 問題就係打開既時候聞到濃既酸味(同上次比)而顏色係褐啡色, 感覺同上次好唔同, 咁算係OK定衰左呢? 謝幫忙….

我相信糸無問題

現upload相片做參考.....謝幫忙..

我也喜歡用全橙皮做
初浸時記得不能把瓶蓋擰實,每天要揭一下蓋子讓它洩氣.
浸完3個月後我會把渣隔起,埋入泥裡,但那片地方要等數個月後才可種東西.
隔出的液體以1:1000份水稀釋使用.我家人曾用在蕉樹,西瓜甚至蝴蝶蘭,發覺效果不錯.

改用5公升蒸餾水瓶就减少接觸空氣

Lunglung9 發表於 2013-11-25 13:09
現upload相片做參考.....謝幫忙..

謝謝各位~可以唔洗咁煩嚕...其實酵素實用性高唔高?? 因橙皮數量唔少又唔想攞黎做堆肥另比例唔岩~橙皮除左堆肥同酵素, 仲可以做d乜??

Lunglung9 發表於 2013-11-26 14:40
謝謝各位~可以唔洗咁煩嚕...其實酵素實用性高唔高?? 因橙皮數量唔少又唔想攞黎做堆肥另比例唔岩~橙皮除左 ...

冬天用黎沖涼 ? 有咩效果啊?

其實用全橙皮 or 橙皮 + 其他皮 (蘋果， 梨。。。etc)  有乜分別？？

sugarcane 發表於 2014-1-10 19:22
其實用全橙皮 or 橙皮 + 其他皮 (蘋果， 梨。。。etc)  有乜分別？？

用橙皮和檸檬皮氣味會較清香,我喜歡用檸檬皮,加了會好有氣(頭兩個星期,每天都要扭開瓶蓋放氣)

我最近用西柚皮加橙皮 味道好香  現在第7天 每日都打開放氣 順便聞下佢 個味道好似柚子蜜  好想試下沖水飲 HAHA

easonyin 發表於 2014-1-10 20:44
我最近用西柚皮加橙皮 味道好香  現在第7天 每日都打開放氣 順便聞下佢 個味道好似柚子蜜  好想試下沖水飲  ...

其實真係可以攞黎飲嗎, 要煲熟佢飲?有咩好處?

Lunglung9 發表於 2014-1-11 13:06
其實真係可以攞黎飲嗎, 要煲熟佢飲?有咩好處?

我就不建議飲落肚,始終發過酵,一定存有酵菌.這些菌用來清潔,施肥適合,但未必適合我們的腸胃,小則肚瀉,大則中毒,所以不要冒險.
如果喜歡柑橘類和甜味,不如整杯檸檬蜜糖飲用更好.

easonyin 發表於 2014-1-10 20:44
我最近用西柚皮加橙皮 味道好香  現在第7天 每日都打開放氣 順便聞下佢 個味道好似柚子蜜  好想試下沖水飲  ...

環保酵素有別於水果酵素~~

水果酵素要用過濾水可食用水果/皮

http://www.youtube.com/watch?v=PLoyTg3wlK8

http://blog.xuite.net/p5158798083/eetblog/21057685

Lunglung9 發表於 2014-1-11 13:06
其實真係可以攞黎飲嗎, 要煲熟佢飲?有咩好處?

環保酵素有別於水果酵素~~

水果酵素不用煲熟,煲熟了就破壞酵素活性

http://www.ihclinic.com/healway.html  水果酵素功效

sausau 發表於 2014-1-11 14:34
我就不建議飲落肚,始終發過酵,一定存有酵菌.這些菌用來清潔,施肥適合,但未必適合我們的腸胃,小則肚瀉,大 ...

很多食物也發過酵然後食用...只是環保酵素用的材料沒清潔過,用自來水的,有別於水果酵素製作,選用鮮品不是爛果皮,而水果酵素是可以直接飲用的

見大家討論得咁開心,我又黎揍下熱鬧先,嘻嘻

我由上年七月開始加入酵素大家庭既,多多指教 !

是咁的,我養左貓貓狗狗一大堆的,本身都有用開 aq 之類天然殺菌除臭,而抹地清潔亦會用人寵無害既東東.

早幾年個囡要做個大手術,做完之後身體差左好多,皮膚成日生大瘡瘡,仲唔留得毛,兩日就立痴痴油立立咁....睇醫生話咩缺小左樣野令分泌失調咁上下,只可用葯控制,冇得醫.....
轉過糧,沖涼液,醫生.....都冇用,唯有唔留毛同密密沖

上年經朋友介紹而接觸環酵,佢仲送左支比我用,我用環酵開水噴個囡背脊同溝沖涼液比佢洗白,皮膚情況好轉左好多,於是就自己開始做啦.

開頭因為存貨有限,只得朋友送果支,所以就住就住用,只用響個囡身上,後尾第一支 DIY 收成,我就開始用響好多地方啦

我有支開水放廳,得閒用黎噴空氣殺菌除味. 洗白洗頭洗面液我又加入環酵,拖地抹野洗碗又加,浸菜又加.

噴空氣果支有時我噴埋面當爽膚水添,嘻嘻~

洗頭水加入,頭髮用完軟軟,護髮素都唔洗用.

洗面我因為渣電單車,都幾多黑頭粉刺仔,用左明顯小左好多了.

洗白呢,我冬天好乾會身痕架,加左環酵有點點潤,開始轉天氣時明顯冇痕,不過慢慢越凍越乾就唔得啦,都係要搽椰子油,但用響亞 B 身上最明顯囉~

洗碗加左去油好好,比剩用洗潔精去油強左,D 碗立立令,不過整完蛋糕 D 膠油油,我都係用返茶籽粉.

拖地抹野,加左有層保護膜,好乾淨令令咁.

噴空氣殺菌除臭,要讚,之前用 AQ 三舊幾一支,而且我用得幾狼,得閒隨手拎起就喪噴,家陣慳返唔小錢,哈哈~ 記得 SALES 講過點解會臭,就係因為有菌囉~

好啦,以上就係我小小分享

希望環酵可以多 D 人認識,令垃圾變黃金啦,嘻~

是呀,環酵真係垃圾變黃金

初先聽朋友講點好用都有懷疑.....好似寶葯黨咁,哈哈哈

比兩個網大家參考丫,幾詳細架,有埋原理,做法同案例

有關環保酵素

http://www.enzymesos.com/

http://hunghsiu.pixnet.net/blog/post/34070789-環保酵素完整篇

sausau 發表於 2013-11-25 14:03
我也喜歡用全橙皮做
初浸時記得不能把瓶蓋擰實,每天要揭一下蓋子讓它洩氣.
浸完3個月後我會把渣隔起,埋入 ...

想問d渣隔起, 埋入地底裏嗎?  如果無田地, 屋企可以點做呢? 謝謝

堆肥或者埋在花盆泥内