[救急!!] 屋企D植物唔知咩事 ><

1. 呢棵植物呢排係咁甩葉, 同埋D葉係黃, 枯&有黑斑...

耐D之前影的....


近排影的... 諗住換大D個盆佢會好返... 點知都係咁


2. 一路種一路枯...


3. 有咁多白點GE...?


4. D葉有黃斑... 周不時又會落葉....
同埋D葉捲落去咁生有冇問題嫁??




請問大家知道咩事嗎?? ><
**PS 另外想問下以上呢4棵野GE學名, 種植須知等的資料, 謝謝!!

1.地球芒  2.紅網紋草 3.&4.白網紋草

- 圖1的地球芒是爛根，我覺得地球芒是比較難打理的，泥 - 既不能乾涸，亦不能過濕，我都種屎過2棵。
- 另外的3棵網紋草我未有種過，但驟眼看的白點，似乎是植株過濕而引致的，因為我公司同事種的沒這問題，可能由於有冷氣，濕度長期在50%-60%。
- 卷葉眾多一個原因是過光
(以上有錯請各師兄師姐嬌正)

puni3577 發表於 2013-11-17 11:52
- 圖1的地球芒是爛根，我覺得地球芒是比較難打理的，泥 - 既不能乾涸，亦不能過濕，我都種屎過2棵。
- 另外 ...

THANKS puni3577 !!

1.
咁最開頭果棵叫做...??
知唔知佢咩事??

2.
我D植物係放喺窗台GE, 有太陽照會落簾, 冇曬住就唔落, 俾佢地吸收天然光, 咁係咪即係話俾室內電燈GE光俾網紋草會好D, 先至唔太光?

3.
原來紅網紋草過濕...
有冇話淋水要點淋??

4.
咁你知唔知白網紋草D黃斑同落葉係咩事?? ><

1.花墟的花店叫"綠豆子"，但其實仲有另一名稱，不過忘記了。
   你的"綠豆子"可以剪去頂芽，即是保留大約8-10m的高度就可以，剪頂芽可以逼使側芽叢生。
2. + 3. 你的四棵植物屬於多年生草本植物，這類植物喜歡陽光但又不能承受長時間(多於4小時)暴晒，即使落簾，紅外線和紫外線仍有機會穿透，所以你試試距離窗戶會不一點。淋水方法我都是採用由上層泥土開始淋，避免沾濕葉片和莖，水澆到盆底的孔有水滲出一點點就好了，讓泥土的新陳代謝物被水帶走，但盆底不要積水。澆水視乎泥土的濕潤程度，不乾不淋，上層的泥土乾了，盆身有一點輕輕的才澆水。
4. 落葉有可能是新陳代謝，但加上黃斑就可能光太強所致。
我覺得這5盆都似乎澆水過密/多，而且過光(網紋草)，變壞的葉片先剪掉，改變一下淋水的習慣和位置，觀察一段時間，希望有改善啦
祝你種植愉快

水多太濕~

紅白網紋草似乎是被菌感染, 因為兩者都可以水種, 是甚麼細菌就要高手解答.

霉菌，例如白粉病

加油~支持

puni3577 發表於 2013-11-17 18:34
1.花墟的花店叫"綠豆子"，但其實仲有另一名稱，不過忘記了。
   你的"綠豆子"可以剪去頂芽，即是保留大約8- ...

多謝你講得咁詳盡呀! ^^

1.
綠豆子冇得俾我剪淨8-10CM, 因為本身棵野只有約8-9CM高, 不過我都照剪左頂部 ^_^"
佢而家甩曬D葉, 我見佢D支條既色好似好暗淡咁, 會唔會救得太遲...救唔返喇? ><


同埋乜野原因會搞到佢黃葉黑斑? 都係太濕??

2.
D網紋草有菌, 咁要點處理? 淨係剪左D有問題GE葉就得? 駛唔駛沖洗下佢D葉&莖??

corina 發表於 2013-11-17 19:52
水多太濕~

THANKS FOR YOUR REPLY! corina ^^
請問你想講"太濕"係導致邊D症狀GE原因??

mayl12 發表於 2013-11-17 20:13
紅白網紋草似乎是被菌感染, 因為兩者都可以水種, 是甚麼細菌就要高手解答. ...

THX mayl12! 原來佢地可以水種的~

我試過見到D落葉有D白色一條條垂直GE野, 請問有冇頭緒係咩菌呢? (哎呀, 果時冇影低俾大家睇TIM><)

harpsicat 發表於 2013-11-18 10:56
加油~支持

多謝支持, harpsicat!
如果佢地生返好, 我一定要影返俾大家睇! ^^

你棵綠豆子嚇我一跳，差唔多光晒。而家試吓放在有陽光散射的地方，如果有新芽出就救得番喇。
如是者再有新芽出，就繼續剪頂芽。
霉菌成因大多數係泥/葉太濕，加上空氣唔流通。

有支野推介俾你試吓，背後說明主治衰弱植物，如落葉，枝葉軟化，爛根，日光不足，缺水。我以前在花寶買時都係$20左右，我自己點都會買一支來看門口。

補返D相先~

落葉葉背, 唔知係咩黎GA呢?



有D葉落左喺泥度我冇即刻清走, 生左D白色一條條野喺度...
唔知各位有冇見過呢?


多謝大家熱心GE幫助!

bellablossom 發表於 2013-11-19 22:23
補返D相先~

落葉葉背, 唔知係咩黎GA呢?

等高手出現...解答

bellablossom 發表於 2013-11-19 22:23
補返D相先~

落葉葉背, 唔知係咩黎GA呢?

真菌(OR霉菌)吧，枯死的葉在泥上，加上無清理，就會自自然然"吽"出真菌，枯葉枯花必需要清走，否則一段時間後就會生蟲OR生真菌(枯葉枯花並不是肥料喔)。

puni3577 發表於 2013-11-21 20:49
真菌(OR霉菌)吧，枯死的葉在泥上，加上無清理，就會自自然然"吽"出真菌，枯葉枯花必需要清走，否則一段時 ...

I SEE!

咁如果D枯葉係自然脫落, 唔係有病, 可唔可以由佢喺泥度做肥料? @@

我看不清楚第一.二張相, 但從植物形態看來, 似乎是感染蟲害. 你檢查一下葉背, 枝幹的暗位, 是否有類似白色棉絮狀或啡色小圓片狀物體依附在上, 若是, 植物是受到粉介或介殼蟲的侵害. 少量的話用棉花棒挑走, 用洗衣粉開水噴灑可治.

第三張相: 是過濕爛根. 換疏水植料, 剪去枯萎部份和爛根, 重新再種 . 將之放在有孔的透明盒/袋中養護, 保濕保溫, 希望能重發新根.

第四.五及六張相: 肯定是有蟲而且頗嚴重. 很大機會是葉蟎 (俗稱紅蜘蛛), 極細小, 肉眼僅見, 檢查一下葉背, 枝幹的暗位, 是否有蛛絲或蛛網. 或用紙巾輕抺受感染的葉片(有黑或白點的部份), 若見紙巾上留下紅.啡或黑色細線, 就是給捏死了的葉蟎留下的痕跡. 一般殺蟲劑對之無效, 要用含三氯殺蟎醇成份的殺蟲劑.市面通行的是蟎毒.

現在首要是馬上全面檢查所有的盆栽, 將病株與其他盆栽隔離, 剪去病株受感染的部份, 打藥. 可以的話用1:99 漂白水洗抺種植盆栽的地方.

你的修剪方法錯誤, 不能只剪葉留下長枝幹. 這樣植物很難長葉的. 即使長到葉植株形態會很難看. 如果不是粗生快大的植物, 或不是在合適的生長條件之下 (溫度.光照.濕度... ...), 失去了葉子的植物無法進行光合作用製造養份, 但同時大量枝幹還在生長, 消耗養份, 有支出無收入, 令植株生長衰弱. 若再加上病蟲害感染, 很易死亡.  應該要整株剪矮, 及剪去細弱枝條, 留下三至四節 (葉與葉之間的距離為之節). 若生長條件合適, 不定芽會從節間(葉腋)長出成為新枝.因為養份較集中, 長出的枝條會較健壯.  **修剪要先掌握植物的生態和習性, 對不同的植物科屬, 以及目的,修剪的方法會有分別**

我打字很慢不能寫太多.你去病蟲害篇那邊, 應該有高手幫到你.