好氧廚餘堆肥箱

大家好，請問有無人堆緊好氧性廚餘?

我係天台，用種植箱3層整左一個廚餘箱，跟足指示，用椰泥做底吸水，之後淨係放果皮、蔬果去堆，(肉及煮過既都無放)，每次剪碎堆，上層都會加好氧性廚餘菌，以及蓋上一層椰泥。用蓋蓋住。

現在3個星期，發現箱內有小昆蟲,蟻在爬行。

於是我在隔離放左一盆薄荷，另一邊放番皂水，前面放蚊紙。

但相信箱內已有很多昆蟲繁殖，2至3個月後，仲用唔用得呢?

絕對用得, 有小昆蟲滋生係正常的, 間中倒"水"出來溝稀做液肥啦!

ICICI THANKS! 我未開佢個底睇呀，因為驚好多昆蟲係佢入面，但說明書話要等2-3個月先腐熟，同埋可以買的蚯蚓入去養

toby_1023 發表於 2013-5-13 11:31
ICICI THANKS! 我未開佢個底睇呀，因為驚好多昆蟲係佢入面，但說明書話要等2-3個月先腐熟，同埋可以買的蚯 ...

落完雨之後走出唻果D蚯蚓得唔得架?

elevala 發表於 2013-5-13 12:04
落完雨之後走出唻果D蚯蚓得唔得架?

花友話最好係太平洋二號，我依家的呢係田泥﹐有黑蚯蚓，但品種不同

乜有 "好氧性廚餘菌" 果咩？係乜嘢嚟咖？

你個程序唔似好氧啵~ 有冇資料來源呀？

哦~ 原來係枯草桿菌 ... 我反而想用佢嚟醫白粉病呀！

孖吉 發表於 2013-5-13 21:56
哦~ 原來係枯草桿菌 ... 我反而想用佢嚟醫白粉病呀！

有包廚餘粉，係買箱果陣配埋，佢話吽2-3個月，可加蚯蚓。

但未加蚯蚓果陣都有唔少蚊滋。

好氧堆肥話無味，事實都係，但我唔知佢仲有乜用。

係咪用膠網架的組合式廚餘箱?  佢隻可能係椰塊, 比較大比較疏, 昆蟲會較易進入..

如果你用太平2號, 嚟緊30幾度唔知會否太熱, 曬住就應該唔得啦.  

都市人搞堆肥都幾老鼠拉龜, 或者你可以出d圖片一齊研究吓點搞好~

poco 發表於 2013-5-27 23:12
係咪用膠網架的組合式廚餘箱?  佢隻可能係椰塊, 比較大比較疏, 昆蟲會較易進入..

如果你用太平2號, 嚟緊30 ...

係呀，側邊排水果款種植箱，我覺得佢的邊較潤，所以蚊蟲飛到入去，兩旁分別放左薄荷同碰碰香，前面放左手工皂水，

相要遲的先影到。

依家吽左一半，我打算倒出黎係發泡膠箱到吽，用的泥蓋住，會否好的?

唔知最大果款洗衣袋能否包住，如果有，重新吽一箱用細網袋套住。

請問最後你嘅堆肥點?我也試好氧堆肥，但堆咗1個箱之後冇再放嘢入去，即係得1/3份量，最近想開蓋望，點知飞咗幾隻好似大蒼蠅出來，之後我就唔敢再開，唔知點收科好

jolin 發表於 2014-8-3 12:20
請問最後你嘅堆肥點?我也試好氧堆肥，但堆咗1個箱之後冇再放嘢入去，即係得1/3份量，最近想開蓋望，點知飞 ...

有勁多蟲，但我只放植物類野，6個月後變黑色泥，人地話一層廚餘、一層泥同埋夏天熱會快的

jolin 發表於 2014-8-3 12:20
請問最後你嘅堆肥點?我也試好氧堆肥，但堆咗1個箱之後冇再放嘢入去，即係得1/3份量，最近想開蓋望，點知飞 ...

很大隻的黑色飛蟲，可能是黑水虻，那是食腐物昆蟲。

silicon 發表於 2014-8-7 11:51
很大隻的黑色飛蟲，可能是黑水虻，那是食腐物昆蟲。

咁點算好?

toby_1023 發表於 2014-8-7 09:58
有勁多蟲，但我只放植物類野，6個月後變黑色泥，人地話一層廚餘、一層泥同埋夏天熱會快的 ...

只放植物有冇蟲?啲泥會否啊夠肥?

jolin 發表於 2014-8-13 19:09
只放植物有冇蟲?啲泥會否啊夠肥?

的泥會流失，吽黎填補流失的泥，平時都會照加肥

jolin 發表於 2014-8-13 19:07
咁點算好?

打開放戶外曬太陽