想問問有關燒草...

小弟朋友有塊地..
五百幾平方米..
大半個月前除左草諗住有機耕種..
依家有好多乾草係度諗住燒左佢做肥..
想問問燒草要向邊個部門申請..

如果做堆肥.. 又要幾耐堆到呢??


因為之前另一個朋友係元朗燒草..
比人罰左幾千蚊..

@@ 燒草罰幾千 ?! 佢嚮邊處放火?

燒草比人罰錢,乾草最簡單就係每行田中間掘一條坑藏落泥裡面,堆肥最少半年.

其實, 係咪消防員罰你地$$ ?

佢係咪係馬路邊燒草？
我成日都係田燒草架喎
唔好嚇我
我唔嚇得架

根據香港的《林區及郊區條例》，任何人士在郊區留下火種或隨意燃燒，可被檢控，一經定罪，最高可被判罰款二萬五千元及監禁一年。

我經常響田燒草喎，隔離田所有人都係燒草，歐羅農莊既人都成日燒草架喎！

係元朗.. 某條渠後面..
果次係有人報警.. 之後就比人捉左上庭罰錢.. ><

如果太大煙，有人以為有山火就會有消防到場。但如果唔係太過份，都只係警告同登記了事。
搞到罰款可能有其他原因，例如人行開咗，火太大等等。

燒草唔會被罰架!?燒左n次都冇事阿!!唔好嚇我喎!
隔離左右d人都一樣係咁燒喎!!
你要燒既就挖個位~深小小~跟住將草放落去燒!!燒到一定程度在將泥蓋面!比佢慢慢燒!!d灰會肥d架!
你最好燒完先好走阿!!

共實你地點燒架?? 我頭先諗住試下燒枯葉做肥, 我點著一塊枯葉, 話咁快又熜左, 你地有冇用其他野助燃架??  

草木灰是鉀肥,還可改善泥的酸鹼度。

燒草時要乾草同新鮮草，兩樣一齊燒。
先用草起一個窿，放入火種向裹面。
見有火起就要加少少新鮮嘅草。咁個火唔會太大。
乾草、新鮮草輪住放落去燒。Keep 住有堙無火就係最留得住最多草木灰。

lamolympia 發表於 2013-3-25 21:08
草木灰是鉀肥,還可改善泥的酸鹼度。

為鉀肥燒草木呢個概念有啲問題，草木灰可以作鉀肥因為草木本身含鉀……草木燒完後乜都破壞哂只剩鉀。不如將佢地堆肥更對泥土有益，又可以避免响燒的過程排放咁多温室氣體和有毒氣體。堆肥後鉀唔會少咗，重可以提供其他有機物質和飬份，例如嫰草含氮好高。

除非你要除去某啲嘢，例如草種之類。所以並唔係盲目咁燒咖！





---------------------------------------
2020  其實你有咩唔識架？  發表於 4 分鐘前
好遺憾，我真係唔識李+X咖

燒草木是不環保,所以燒草木而家言是禁止。但很多有机農場都有這樣做。

燒草破壞自然環境 , 增加炭排放量 , 壞處比好處多 , 得不償失 ,堆肥更增效益

外面公共花園的大樹日日瓢一大堆落葉入尼，
唔燒就堆肥怕虫或虫藥…一係當垃圾丟了它

weels 發表於 2013-3-26 13:48
外面公共花園的大樹日日瓢一大堆落葉入尼，
唔燒就堆肥怕虫或虫藥…一係當垃圾丟了它 ...

呢啲都係初種植的朋友有的顧慮，但事實剛剛相反：
1) 公共地方的大樹都不會噴蟲藥-太高、太大風、冇必要、貴。如果你見到有人幫大樹上的葉噴藥，請影張相睇吓。
2) 用火燒有農藥的葉只是眼不見為乾淨的方法。燒過的農藥不會消失，只會更毒，重會吸入肺……
3) 蟲有分腐食和植食性。枯葉上如果有蟲，肯定是腐食性。有機農夫最鐘意，因為佢地會造肥。如果你對任何昆蟲都好抗拒，唔好意思，你的種植道路好難行。

孖吉 發表於 2013-3-26 14:41
呢啲都係初種植的朋友有的顧慮，但事實剛剛相反：
1) 公共地方的大樹都不會噴蟲藥-太高、太大風、冇必要 ...

我見到枯葉上有虫卵…