比人偷野X蝴蝶X玫瑰X櫻花X環剝

話說早幾日發現接連比人偷左棵12卷,羅漢松連盆同埋沙漠玫瑰 ,12卷同羅漢松係花友送比我的 沙漠玫瑰我放左好多心機種
一開始唔見左棵12卷,我以為個別事件,自己唔知放左去邊,點知個小偷愈來愈猖狂 愈偷愈多,如果唔係D玫瑰種係大盆搬唔郁,9成比佢偷埋
我而家唯一可以做既就係貼張請勿盜取植物的牌 同埋留意下D可疑人物

好啦,講完D衰野講下D好野
話說我前幾日見到棵櫻花D芽有D古怪,大部分都得一葉芽,但有D位竟然有3個芽,我上網做完資料搜集後發現有可能係花芽,好開心 ,話哂由種子種起,2年多了(話說原來7,8月果陣要制水,但我無做,不過暑假果陣唔得閒,好耐先淋一次水,可能都間接做了)


又見D根生出盆底,於是去左花墟買大花盆,買完特登去香島果邊睇下大家個種植活動搞成點
之後就趕番去換盆,同影下D玫瑰

期間見到隻好靚既蝴蝶,唔係係咩品種呢


個南瓜唔經唔覺就生到咁大


今日D玫瑰開得幾好,亞伯拉罕達比勁好聞,好香甜既味道 夏洛特都唔錯,不過秋冬會更靚
朋友種的遺產

朋友種的夏洛特

亞伯拉罕達比,整損左少少

朋友種的朝聖

自由精神


花友分享的日日春



最後,去睇下上次環狀剝皮成唔成功,我將D玫瑰分2批,環剝高壓同浸生根水扦插,結果扦插果批死哂 ,由於當時已天黑,約7點,所以睇唔到D根出左未,剪下來先發現未生根
不過環剝果個位腫哂,應該有D機會,即刻插係泥,等生根可以分享比大家  總結環剝的學習成果,下次環剝應該要等耐D,包果舊泥都要D大,唔係好易乾

我呢排都比人偷野，貼個「錄影中」嘅牌啦
蝴蝶係木蘭青鳳蝶
加油呀！

好過份,好賤,睇完好唔開心,我e加扁曬嘴。

好慘慘!!

我都試過住村屋俾人偷去幾棵植物, 見無出此post, 真係心up, 希望你下次可以捉到偷花者~

我都唔敢擺d花花出門口~

太過份  偷嘢已經唔啱, 做得咁倡狂, 真係要安裝閉路電視裝佢, 然後報警捉鬼佢.  再唔係將佢個衰樣影印出嚟貼喺屋企四周, 派街坊俾你d鄰居及周街張貼, 包保見成效.

而家最擔心比佢偷埋棵藍月(玫瑰),竹柏同雞蛋花,因為仲係種係盆,不過雞蛋花個盆大D,應該低D機會,其他果D我都有幾棵或者無咁重要
除左小偷外,有時D附近種野D人都幾黑人憎,例如有個我叫佢白頭佬既人,佢成日放D枯枝係個箱到,落雨又唔清積水,D水好黑,惹左勁多蚊產卵,有幾次去睇佢個箱,好多蚊的幼蟲游下游下好得人驚
搞到我成日比蛟叮,本身又係惹蚊既人,終於,每次大雨後我成日幫佢清積水
另佢又好鍾意堆肥,成日將自己食剩D野囉去堆肥,但就咁堆係桶上,無掩埋,結果又產生左好多好細隻,好似烏蠅既昆蟲,桶上成日一堆蟲圍住飛來飛去
有次,我見佢個桶上D番薯葉生得幾好,好奇撥開睇下,嘩,一大堆蛆蟲係泥面爬下爬下,嚇鬼死我

d人咁缺德gar

d扦插玫瑰枝，用沙質土扦插成功率會高d

啲花好靚呀，但啲名好攪鬼，似賽馬啲馬名。

啲人好衰呀，唔想買，咪試吓問人可唔可以分享比佢囉。

我覺得你要留意下有咩陌生人多次出現係你屋企附近.