屯門黑妹不見了 義工被指偷貓

http://hk.apple.nextmedia.com/news/art/20120926/18025232

貓義工被指偷貓
主人日夜思念　義工反稱遭整蠱

「鎮店之貓」二缺一，同伴咪咪常望向街外尋找黑妹蹤影，主人黃太亦非常憂心。

屯門華都花園一間士多的「鎮店之貓」黑妹，本月2日離奇失蹤，翌日「黑妹」相片即被貼上facebook，矛頭直指是一名貓義工所偷。連日來，網民狂插「偷貓賊」要她物歸原主，但貓義工矢口否認，反指被人冤屈。貓主希望偷貓賊大發慈悲，讓她與黑妹中秋團圓：「如果肯畀番我，我乜都唔追究。」
黑妹，又有人叫牠「妹妹」，是異國短毛貓，2歲多，原本為流浪貓，兩年前有人發現牠遍體鱗傷，於是拾去交給喜歡小動物的黃太，黃太花了兩萬元醫好其尿道炎與皮膚病，因家中養了狗，遂將黑妹留在華都花園的士多內，與另一隻17歲大雌貓「咪咪」為伴，一同成了士多的「鎮店之貓」。
黑妹樣子十分可愛，是士多的生招牌。

網民fb開群組鬧爆
本月2日晚上8時許，黃太準備收舖，大喊﹕「黑妹返嚟啦！」可是不見蹤影，翌日街坊呂小姐於facebook發現一名貓義工Phoenix Wong上載酷似黑妹的相片，寫上「小朋友，你是走失定係俾人遺棄呀？」黃太得知黑妹尚在人間大喜，由兒子透過facebook聯絡對方要求取回黑妹，甚至願出價1,000元贖回，可惜無果，上周一（17日）報警求助。
就此事有人於facebook成立公開群組，狂插Phoenix Wong奪人所好，至今逾700人留言。不過，Phoenix Wong回應本報查詢，卻否認曾上載該張貓相，也沒捉過黑妹回家，「呢件事警方已經查過係誤會，我都想親自接觸黃太了解點解會有咁大誤解，係警方話事件仲查緊，唔可以接觸事主」。她表示，做貓義工約六年，救過的貓不下70隻，出錢又出力。對被誣衊偷貓感冤屈，猜測早前曾得罪人，不排除被人整蠱。
然而，上周四，黃太再由兒子在facebook直指Phoenix Wong滿口謊言，「一時話我親眼見住佢將黑妹抱走唔出聲，一時又話我虐待隻貓，試圖以謊言掩飾自己嘅惡行」。

同伴望街尋找黑妹
她昨日表示，最遺憾沒替黑妹植入晶片，難以追究。又指黑妹極有靈性，士多每天早上5時開門，牠總會走出迎接她，豎起尾磨擦其雙腿，自從黑妹失蹤後，不但令她憂心，家貓咪咪也悶悶不樂，不時望向街外尋找黑妹蹤影：「如果捉走黑妹嘅人肯畀番我，我乜都唔追究，好想同黑妹過中秋」。
話你知：植入晶片助查身份
貓不能說人話，每隻外貌亦差不多，審死官也難確定主人是誰。愛護動物協會發言人表示，若要為貓隻保留身份，不二之法就是植入晶片，在漁護署的資料庫內儲存所屬貓隻資料，出現爭拗即可從晶片中核對身份。
該發言人續稱，因為狗隻咬傷人較多，本港法例規定所有狗隻均需植入晶片，方便追查身份，但貓隻並無此規定，貓主可自由選擇植入晶片與否。發言人又舉出一個案例，曾經有兩人同時爭認是一隻狗的主人，但因該狗沒晶片，結果當局判當時持有該狗的人就是狗主。

唔怪之得上星期行過報紙檔, 得返一隻貓啦~

你住果附近架??

回覆: 我都係住屯門, 但果日要去健康院~

無論件事究竟係點, 希望佢地快d一家團聚啦....

次次去屯門都去見佢地.有次手多多想摸貓地,俾士頭婆喝,又點會唔錫貓呢.希望中秋人貓兩團圓

有愛心係好事,但有時過左火位就離譜,如果明知隻貓有主人都捉走,咁同偷野冇分別,唔可以覺得人地養貓方法唔好,就要人地人貓分開,咁做好冇陰功架,希望黑妹可以快d返去主人身邊la

以下係鄺議員對fb開群的作出呼籲有心的農友請響應一下!!


各位，我們要跟時間鬥快。

我想約各位今個星期六(29/9/2012)下午四時，中秋節前夕，來到屯門華都花園華興士多門前，替陳太和咪咪打氣，以團結，愛心和堅持，要求警方徹查黑妹失踪案外，也在「迎月」當天許下心願：

「中秋節，人貓兩團圓。」

各位，知道時間好緊逼，但您願意來到這裡跟咪咪拍下這張溫暖的大合照嗎？

至星期二我決意跟進此案後，收到不少電郵，有溫情的鼓勵，也有惡意的狠罵，在飽受壓力下，我問自已：「值得嗎？」

但當捉著陳太的手，碰著咪咪的額頭，我覺得，他們對黑妹的情是真的。

所以，我希望星期六這個溫情聚會，除了為陳太和咪咪打氣，就是團結我們的力量，促警方交代真相，我希望警方不要以為失貓是小事，其實失去的，是我們對黑妹的感情。

另外，我不同意把有嫌疑的相片轉貼，這好容易會把尋找黑妹的單純訊息，變成人事鬥爭的複雜，再次提醒大家：）

星期六的約會，能否創造奇蹟，就要靠各位了，我們只餘下42小時召集，可否替我想辦法如何請更多熱心人來到士多前？

因為你們，我多大壓力也不怕！我們，決不讓黑妹無家可歸！

鄺俊宇 謹啟

（最後提示，如有任何人捨獲黑妹，請於星期六下午四時前，跟貓主陳太聯絡，謝謝！）

小必 發表於 2012-9-28 00:19
以下係鄺議員對fb開群的作出呼籲有心的農友請響應一下!!

我覺得我地唔應該再插嘴, 因為佢地公說公有理, 婆說婆有理, 我地只系局外人, 真相系佢地2個當時人先知...

陳太都好明顯系想用群眾壓力等人地幫晒佢, E D野系邊個先講真, 邊個作假, 隻貓身上D證據最清楚, 法庭會識點處理架啦

其實我唔多鍾意人地下下 FB 招人用群眾壓力, E D 做得過火就變成集體欺凌架啦, 即系好心但做左壞事囉! 好多人利用 FB 做網上欺凌架! 所以既然警方已經介入左, 就會處理件事, 再多嘴仲招集群眾就等於變相集體欺凌, 做左壞人架啦!

小必 發表於 2012-9-28 00:19
以下係鄺議員對fb開群的作出呼籲有心的農友請響應一下!!

"小必  一Ｄ都唔複雜, 老闆娘比人偷咗隻貓, 偷咗果個唔肯還貓, 仲用歪理將犯罪行為合理化, 惹起眾怒!! "

1) 個老闆娘都報左警, 警方又唔系唔受佢落薄, 做咩仲又攪 FB 群組集體圍攻果個人?

2) 你我又唔系當時人, 起碼成件事系點都一樣知D唔知D

3) 老闆娘明明可以等警方同法庭幫佢討公道, 但就下下 FB 線動 D人企佢果邊, D人系警方定系法官? 做咩又要佢地幫? D外人也根本幫唔到個判決, 即系老闆娘 PP 痕系要叫 D人插果個 "偷貓" 既義工啦, 仲唔系集團欺凌?

通常叫人地幫自己 "討回公道" 果D, 應該系被人欺負但冇執法人員受理 或者 判決唔公道又冇得上訴, 佢又唔系E 兩種, E 家仲叫人響應佢插人地, 我覺得唔多值得幫囉, 由 D 差佬做野就得啦!

香港唔系大陸咁慘, 你都系為左隻貓仲有得報警上訴拿回, 系大陸佢地系為左D田D地個家甚至條人命, 佢地系官欺民報警仲被人拉被人打死! 正如我都講左好多次, 佢報左警又受理E 家仲個個都幫左口, 我唔覺得仲要呼籲有心人幫忙 "插嘴", 仲fb開群群插! 再講, 我地又唔識E 兩個當時人, 點知誰事誰非?

OK, 就算真系果個老闆娘全對, 個偷貓人全錯, 你地又洗唔洗好似 "浸豬籠" 既心態?

以前D人, 捉到通姦既姦夫淫婦, 就一定浸佢地豬籠... 佢地系衰, 衰就拉佢地坐花廳囉, 洗唔洗下下拿個豬籠出來用?

E 家佢地就系咁, 個 "姦夫淫婦" 都搵到, 警察都做緊野, 做咩死都要拿個 "豬籠" 出來, 要浸死個 "姦夫淫婦"?

Christopher 發表於 2012-9-29 09:18
"小必  一Ｄ都唔複雜, 老闆娘比人偷咗隻貓, 偷咗果個唔肯還貓, 仲用歪理將犯罪行為合理化, 惹起眾怒!! " ...

其實你究竟知唔知係乜嘢事？ 我就住响士多樓上，老闆娘點養貓，我睇足十幾年！邊個開group 邊個揾議員你又有無深究過？ 你有無睇清楚個 group 叫乜名？由始至今老闆娘都唔想驚動任何人，只係一心攞返隻貓了咗件事， 但苦主求個賊叫佢比返隻貓比佢， 老闆娘會即刻消案！
但個賊完全無視老闆娘嘅請求！請你睇清楚group 裏面嘅立場！group 都係希望支持一下老闆娘！ 其實睇新聞要睇多幾份， 唔好凈係睇動新聞;差之毫釐！！！！！！

小必 發表於 2012-9-30 04:11
其實你究竟知唔知係乜嘢事？ 我就住响士多樓上，老闆娘點養貓，我睇足十幾年！邊個開group 邊個揾議員你 ...

如果你話搵貓, 首先佢系個BLOG我就只見佢話人咩咩咩無良心, 但重點果隻貓呢?

既然搵貓又唔知佢可能被人藏左響邊, 感系咪都要同大家講下果隻貓唔見之前大概幾大幾重咩種咩種樣有D咩習性有D咩特徵? 不過我見個BLOG 淨系插人囉!

仲有系就算佢懷疑果個所謂義工偷貓, 證據呢? 果個義工系有最大可疑, 但老闆娘只系見過網上張相, 就一口咬定, 如果有證人話見到果個義工偷就話者! E家只系果張相, 相可以系之前拍, 就算系隻貓唔見時拍佢都未必偷左, 可能隻貓走失左都唔定, E 家佢又一口話一定系人地偷, 好明顯就已經好主觀啦!

如果佢系要人地幫, 重點應該系搵貓! 我唔知幫佢O的人系咪個腦激過頭唔清醒, 淨系一昧插人但唔記得左佢地系要幫手搵貓, 唔系幫口插人囉! 如果隻貓 E 家唔系個義工到走失左, 你插佢有P用?

如果真系搵, 唔該你地唔好呼籲人地幫口插人, 而系放晒D資料登報又好登廣告又好貼街招又好, 叫人見到隻貓 CALL 主人, 唔系一昧叫人LIKE呀幫口呀! 用口系搵唔到貓架! 重點貓資料唔登, 系個 FB 大吵大罵有P用?

隻貓如果真系被人偷, 果個人一定要買貓糧, 貓沖涼用品之類, 更可能要睇醫生! 你地向D賣寵物用品做寵物服務獸醫診所宣傳搵貓仲好!

果個唔係老闆娘黎㗎！你有無睇清楚？？？？？

小必 發表於 2012-9-30 12:10
果個唔係老闆娘黎㗎！你有無睇清楚？？？？？

你自己睇清楚果 POST 啦阿伯, 我特登上 FB 搵返來架! E編文章都好明顯系數臭Phoenix Wong, 同向佢宣示貓權打官司囉!


<<轉載 FB>> 華興士多   9月20日.

各位， 我係Irene，係隻黑貓(妹妹)既主人。原本我都選擇沉默希望大事化小，一心只是希望妹妹番去我的身邊，但係今日我終於忍無可忍叫我既仔仔幫我嚮網上發言 ，因為我唔希望一直幫我既街坊朋友受到Phoenix Wong用謊言惡意攻擊。Phoenix Wong此人滿口謊言，前言不對後語，一時話自己係街執妹妹返黎，一時又話我親眼見住佢將妹妹抱走唔出聲，一時又話我虐待隻貓，所以佢唔忍心妹妹受到傷害而抱走佢，試圖以謊言掩飾自己的惡行，嚮網上講到自己好似天使一樣。點解我嚮士多另一隻養左17年既Mimi佢就唔抱走，反而要抱走妹妹，請問一下Phoenix Wong妳既用心係咩? 如果妳真係妳自己口中講到咁偉大的話點解妳唔抱走其他街貓而要選擇妹妹呢隻名種貓，更加嚮搶走人地既寵物之後放上網炫耀，請妳唔好再講到自己咁偉大，妳只係一個自私的人!

真正的愛貓人仕我非常尊敬，我打從心底敬佩佢地對貓貓無私的付出，有街坊十幾年來從不計較付出，出錢出力去帶給一群流浪貓溫飽。我好記得有一次一隻小貓給人虐待後遺棄受重傷，一班熱心的街坊二話不說將她帶到診所帶佢救治，不單止湊出貓貓做手術的錢，而且更替她搵到一個好主人，我覺得街坊們充滿愛心，是真正愛貓的人。而反觀Phoenix Wong，枉妳自稱愛貓人仕，打著貓義工的旗號將本人的貓抱走，及後更在網上謊話連連，攻擊本人以及各位街坊。我曾經打電話給妳希望商談，亦有叫街坊叫妳打電話給我，妳不但沒有回覆，更狡辯說黑貓是拾回來的，沒有晶片沒有針卡，但，「天網恢恢」，針卡、多張生活照以及街坊已經是最有力的證據證明她的主人。本人已遁法律途徑報警求助，並保留一切法律上追究權利，如果Phoenix Wong要打官司的話，本人絕對奉陪到底，謝謝!

Christopher 發表於 2012-9-30 14:34
你自己睇清楚果 POST 啦阿伯, 我特登上 FB 搵返來架! E編文章都好明顯系數臭Phoenix Wong, 同向佢宣示貓 ...

首先,你唔應該用「數臭」呢個字眼黎形容。由始至終，呢段說話只係老闆娘講出佢遇到既事同待遇，無話要數臭人。
而且老闆娘佢地都有嘗試搵貓,亦有聯絡獸醫診所等等,所以你唔好講話老闆娘佢地冇搵過貓
再者,呢個FACEBOOK群組只係一班有心既市民聚埋一齊,希望那位「義工」可以放過黑妹..等佢可以返屋企同老闆娘一家過中秋,老闆娘亦都講過如果黑妹安全回家,係唔會追究偷貓者
另外,你話既然報左警,點解仲要講..原因就係因為一開始警察對呢件事唔受理
係有群組既人幫手搵夠證據,先正式落到案咋...事發同落案差左成2個星期
另外,那位「義工」前言不對後語,做左壞事仲可以理直氣壯大大聲話人屈佢,但自己又擺黑妹的相(老實講當主人既點會唔認為自己仔女咩樣)上FACEBOOK,又放左係FORUM叫人領養,才會引起公憤
那位「義工」和那些支持那位「義工」的人自己都在FACEBOOK對話中承認自己偷貓的行為,認為自己偷得正確(咁係咪叫做將錯事合理化呢?)
你要記住無論有咩偉大既理由都好,盜竊係犯法...

正如之前尖東忌廉哥唔見左既時候,都係靠FACEBOOK廣傳消息同報紙報導,最後係士多附近既華懋廣場停車場尋回架
如果唔係有賣報紙有大肆宣揚忌廉唔見左既消息,個位發現忌廉既保安嬸嬸又知唔知佢就係忌廉,又知唔知去士多搵老闆娘佢地,忌廉又點可以即刻同老闆佢地重逢呢?
(要記住當時忌廉冇打晶片,若果比SPCA捉走,就要花好多時間先可以同老闆佢地重逢)

最後,如果那位「義工」係冇做過,點解要逃避呢?
香港只需要真正幫流浪貓既貓義工,而唔係要D偷有主人既名種貓去叫人領養既「義工」

首先我話比你知我係女人黎嘅; 我想問你點為之數臭， 我本人嘅認知與事實付才叫數臭，你可以話報咗警就百分百可以攞返隻貓？而你有無睇清楚;成件事其實唔止姓黃果個， 而係有班人嘅行為！ 你認姓黃果個咁偷人貓係好合理的話，你先可以話老闆娘係數臭緊使囉！

siuhamster 發表於 2012-9-30 16:33
首先,你唔應該用「數臭」呢個字眼黎形容。由始至終，呢段說話只係老闆娘講出佢遇到既事同待遇，無話要數 ...

1) 個 BLOG 既供詞只係得老闆娘既供詞, 有咩根據佢講D野一定系咁?

2) 老闆娘根本冇見到義工抱走左隻貓, 老闆娘家人同街坊冇一個人見到佢有, 又點證明佢偷?

3) 既然你都話另一隻叫忌廉既貓都走失過, 即話都有好大可能黑貓都系, 而且老闆娘自己認佢比D貓四圍走, 忌廉也走失過, 咁老闆娘養貓既方法系唔系有問題, 太過自由攪到D貓成日唔見? 定系冇加晶片所以唔見左就搵唔番? 貓唔同人, 佢地咁細隻, 萬人被野嚇親佢地走來走去好易走失, 如果真系唔系被義工偷系走失, 你罵到人地一棟都冇, 到時你又點向人地陪罪?

4) FB 張相系唔系義工放我地冇人知, 就算放上又代表佢偷? 仲有佢個BLOG未到半日就被刪除資料, 除左老闆娘話過佢放相問人要唔要貓, 又有邊個證明佢有感做過?

5) 仲有捉賊要拿贜, 就算義工真系多大話, 你地包括老闆娘, 老闆娘家人同佢D街坊, 根本冇一個人見過果D "贜", 你點可以一口咬定系佢偷? 知唔知點解當初差佬唔受理? 因為證據都唔夠叫差佬點做野? D差佬又唔識點搵貓, 佢地又唔系獸醫你叫佢地點搵?

6) 仲有扮天使扮偉大有咩居心都出MIND, 感都唔叫數臭叫咩?

7) 仲有邊度有人叫人幫手搵貓狗時唔打特徵 E D 咁重要既野! 你唔見左隻寵物都會又POST相又POST資料仲有聯絡方法啦!

8) "盜竊係犯法" E 個字等你地證實左 100% 系佢做先講啦! 香港法律系 "令縱莫枉", 唔系疑犯要証明自己清白, 而系控方証明疑犯有罪! 仲有其實都未到 "疑犯" E個階段, 未有足夠證據起訴法庭都唔受理架!

9) 如果義工真系有偷, 你地唔應該淨系系度罵! 應該去搵證據! 我都講過, 偷左隻貓既話佢一定要買寵物食品用品, 有病又要睇醫生, 隻貓未死佢屋企/收藏貓既地方一定有貓叫! 個義工唔系斷六親冇朋友就點都有人知道佢偷左隻貓!

10) 仲有我再重覆一次, 搵貓唔系 FB 罵人就OK, 起碼 POST D 資料人地先幫到你! 咁緊張隻貓點解咁基本既野都唔做?

11) 冇同隻貓落晶片, 唔理系點唔見貓, 本身老闆娘就有錯, 我老豆E家養果隻狗系佢朋友系山頭拾到既其中之一隻, 好明顯系雜種都植入晶片, 如果真系咁愛佢地點解2隻貓養咁多年都唔做E D 野? 晶片唔系只系防走失, 而系佢有病時都會紀錄架! E 個唔系新科技, 老闆娘唔識佢個仔都知啦!

我唔系要幫個義工, 我2個當時人都唔識, 不過就系睇唔過眼D人下下 POST D 唔清唔楚既新聞, 又群插當時人(義工), 問題你地冇人搵到有力證據, 又大部份都唔識果2個人(除左自稱系樓上住果個小必), 咁你地又鬧咩鬼野?

我幫口系因為我真系睇唔順眼果D唔知頭唔知路淨系聽人地講咩咩咩就插當時人果D某利, 其實件事根本唔關佢地事佢地又唔知真相系點, 只系口痕人插佢插, E D 我講過叫 "集體欺凌"! 新聞都有播啦! E 家世界D人一唔順就 FB 呀POST上去數人, 仲要開群組杯葛, 最後結果系點? 就系某年某月某日有個人跳左樓死左囉! 件事有解決到咩? 解決既就淨系當時人既果件命!

仲有, 如果真系果個義工偷, 又或者其他人偷左, 你地攪到全世界都知道仲狂插人, 偷果個人仲會還你隻貓咩? 冇腦人都知道系唔會囉! 我睇老闆娘唔知系佢定佢個仔攪到咁大鑊, 仲想咩 "人貓兩團完" 都難啦, 除非真系隻貓自己走失左又自己走返出來囉!

Christopher 發表於 2012-9-30 18:20
1) 個 BLOG 既供詞只係得老闆娘既供詞, 有咩根據佢講D野一定系咁?

2) 老闆娘根本冇見到義工抱走左隻貓,  ...

如果真系果個義工偷, 又或者其他人偷左, 你地攪到全世界都知道仲狂插人, 偷果個人仲會還你隻貓咩? 冇腦人都知道系唔會囉!  <呢句未必正確

群眾壓力係絕對有用
咁你知唔知之前旺角發生一隻貴婦狗走失左比人抱走,之後靠網上群眾壓力,個個抱走既人最後親自將狗物歸原主既事?

忌廉哥係走失,但係老闆同大家都深信忌廉係比人抱走
因為發現忌廉既位置,一般貓咪係絕對唔會走入去(有養過貓既都知)
好明顯係個個抱走忌廉既人因為群眾壓力而放過忌廉

1. 個個係FACEBOOK,唔係BLOG...入面並唔係只有老闆娘既說話,而係多名關心黑貓既人士曾聯絡那位義工CAP圖..全部都係黑妹係佢手上既證據

2. 老闆娘既仔仔第一次同那位義工接觸,那位義工已經直認了(你唔清楚可以睇返哂所有既留言對話)

3. 忌廉並唔係個間士多既貓,而係尖東信記士多店長貓,請唔好搞錯,唔好屈華都士多老闆娘唔愛貓

4. 如果佢冇做過,為何要刪除相片?

5. 我再講多次->就係因為有FACEBOOK出現,先有足夠證據去落案

6. 如果真係抱左隻貓去,就係咁醜惡

7. 你又知冇?你有冇睇過佢地D尋貓單張?

8. 由始至終,我都冇提過個個人叫咩名,請唔好屈我話我屈係佢做

9. 我岩岩個POST亦都講左,老闆娘佢地有向診所等等查詢
再者個位義工既朋友都支持個位義工既做法(你唔清楚可以睇返某幾張圖片)..咁又點樣勸佢還貓?
亦有些認識那位義工既貓義工因為勸佢還返黑妹比人而FACEBOOK冇朋友做(你可以睇到某些人留言)

10. 你自己都識講,你唔系要幫個義工, 你2個當時人都唔識,咁你又知老闆娘佢地冇搵?你宜家咁樣又係咪叫先入為主?(既然你都話我先入為主)

11.香港法律冇規定貓咪要植入晶片,反而狗有,係因為狗有機會出街咬傷人,而且好多獸醫都唔認為貓冇需要打晶片同受無必要既痛楚,因為打晶片個支針都幾粗下,對貓貓黎講都好痛
再者,你唔可以因為老闆娘冇幫黑妹打晶片而話佢唔愛貓

無錯,你同我都唔係當時人..但對於如果有人抱走人地既貓去賣既行為,應該會感到十分不恥(希望你都係)

我唔會再係度講呢件事,亦都希望你唔好再講落去,既然你都話係度鬧冇用,咁你都唔好繼續講

siuhamster 發表於 2012-9-30 19:05
如果真系果個義工偷, 又或者其他人偷左, 你地攪到全世界都知道仲狂插人, 偷果個人仲會還你隻貓咩? 冇腦人 ...

1) 你有冇知識架? FB 中果個個人網頁就系 BLOG 呀! E個系 FB 既功能!

2) 佢仔仔咪又系佢果邊既屋企人? 感唔系證據囉! 仲又義工系感 UP 者, 我都講我公公系打走蘿蔔頭既英雄咯, 有咩證據佢做過?

3) 忌廉系你無情情講出來架, 唔系我屈老闆娘, 系你誤導人地! 你睇, 你無情情UP第2隻貓單野都有誤會, 何況偷貓單野? 起碼你冇100%肯定隻貓系邊度囉!

4) 我都成日刪除相啦! E個你都當系有力證據, 你真系以為法官會接受?

5) FB 只證明佢有可疑, 不能當人證也不能當有力物證, 你試下SEND比法庭睇下佢點? 你連貓毛都搵唔到條系根本冇可能告上法庭架! 咪咁天真啦, 起碼要有 "贓物" 搵到法院先會接 CASE 架!

6) 你只系假設 "如果真系抱走左", 到E家都冇足夠證據, 又系只系聽人地話佢個仔話果總, 所以E 點更家冇力, 我都成日話 "如果我中左六合彩頭獎1億" 囉!

7) 就系因為佢自己都話整左 "尋貓單張", 又開左 FB 群, 點解 FB 一D貓資料都唔POST? 感你開個 FB 群系搵貓定插人? 你先系冇睇我打D咩果個囉!

8) 你真系眼有問題, 我明明系話老闆娘自己系 FB 打人地個名仲數人, 我都 post 埋老闆娘 fb 既文章, 你做咩成日無情情咩 d 野上身仲話我屈你?

9) 我冇話老闆娘冇問診所, 我只系叫佢試下e個方法, 義工d朋友我唔知, 但系你講既相我系 fb 就系睇唔到囉! e d 叫空口講白話, up 咩都得啦! 我夠可以話個 fb 有李家誠d 裸照叫你睇下囉! 勸佢唔掂, 就要亂數人罵人, 會可以搵番隻貓咩? 仲有你講果d 相呀留言呀一份都冇, 老闆娘心虛有不是隱藏左, 定系你老作我就唔知啦, 最後又系空口講白話!

10) 我唔系先入為主話個義工冇做, e樣系你屈人唔系我啦! 我只系想話e家老闆娘攪到好慘情, 成單寃案感, 事實真系佢講感? 你地冇一個人搵到隻貓, 連證貓都冇, 講 d 咩春? 咩春都冇用囉!

11) 我冇話過法律規定要, 你咪屈人地啦! 只系佢又話佢養貓咁多年, 又講用左2萬蚊醫隻貓, 又話錫佢地, 連晶片都唔植入, 仲講咩錫? e 個根本系主人疏忽仲系好嚴重囉! 你有冇養過貓狗架? 我屋企就養過, 所以好清楚! 系, 好耐以前冇咩植入晶片,  不過早系20年前已經流行啦! 唔系潮流問題! 植有晶片有佢既必要, 系因為晶片有辨識碼, e 個碼會配合電腦既資料庫, 咁果隻貓咩時間出世咩種幾時打過針以前有過咩病仲有邊個系主人都知道! 如果佢連晶片都冇, 即系老闆娘為左慳$$連e d 野都冇做囉! 因為老闆娘話過有幫貓打針, 正常醫生都會知道隻貓冇晶片而勤老闆娘幫隻貓植入!

老闆娘有幾愛真系佢先知道, 不過我冇話老闆娘唔愛佢, 只系覺得冇老闆娘自己講到感, 再講冇植入晶片的確系主人既疏忽, 唔通唔系買返來d貓就可以唔洗做? 晶片就好似身份證, 你唔帶身份證點知道你系香港人? 你失蹤左但又冇帶身份證回鄉卡passport, 警方點幫你家人你搵?

仲有你知唔知"名牌貓"唔系睇樣就話佢系, 系有出世紙, 仲有 "3世書" 架! 我屋企都養過 "名牌狗" 所以知道! 果個老闆娘只系系街執佢就話佢系名牌貓所以先被人偷, 都好明顯系誤導群眾啦!

"但對於如果有人抱走人地既貓去賣既行為,應該會感到十分不恥" e個講左好多次, 有 "贓貓" 搵到先算啦!

咪扮正義啦, 件事都未清楚就話人地錯, 淨睇片面支持玩熱血青年又做到d咩? 你講來講去又系冇證據, 就算真系有人抱走隻貓, 抱走動機系咩? 你又唔知系唔系真系被人抱走, 更又唔知(如果真系)抱走犯人咩動機 (果個老闆娘講果d系佢自己估唔算), 仲評論咩 "如果有人抱走人地既貓" ?

觀點與角度,不予置評

我真係好有誠意咁請你睇清睇楚所有嘢;同埋fb 裏面其他人嘅留言， 除咗有部份人會漫罵之外，其實當中亦有好多人有自身嘅經驗分享， 只要有睇哂就唔會有你以上嘅一堆疑問！小朋友 ，大姐姐响度言勸你一下， 黎園藝館呢度都係工餘想輕鬆一下平日嘅緊張生活， 需咬牙切齒咁， 好傷呢度咁祥和和氣！