本帖最後由 花園仔 於 2011-4-9 00:04 編輯
回復 jky 的帖子
花園仔哥哥，又請教，我正在睇緊紗布行啲不織布辦／又叫紙朴，找到隻應該係40克咁上下，幾適合用作造果袋，打算問價，或買一匹備用。
我試過剪小許樣辦去濕水，發覺該類布料都會吸水，若天氣如去年初般，經常落雨，咁袋袋經常濕住，啲瓜果會唔會因此而變壞呢？
======================================
jky 及大家好!
如果你慢慢由頭逐條睇落黎就會睇到我所用嘅各種唔同厚薄物料嘅袋袋嘞!
不織布主要分14G 25G及42G呢幾種, 整匹買梗係平過散買多多聲喇!
用厚身嘅布料做袋保險性梗係高啲啦,
經驗14G打孖袋比單42G嘅功效不遑多讓呢!
14G或吉吉袋因為薄身所以笠袋容易啲,
受雨水淋濕時重量輕微唔會對所包嘅果果做成影響!
而42G防禦效果好, 但由於布質硬身好多所以笠袋就冇咁容易嘞!
受雨水淋濕時重量增加, 貯乾時間較長遇到大風會對所包嘅果果有一定壓力!
因此選擇布料厚度要細心啲, 唔可以馬虎一概而論架,
包果木如芒果, 荔枝, 龍眼及木瓜等就用42G或14G打孖袋都冇所謂,
因為果柄粗硬, 只要笠袋時紮實果柄就唔會出問題嘞!
當然粗柄瓜瓜都係笠乜都得啦!
假若包果對像係瓜瓜茄茄等如果柄幼細脆弱嘅就寕可選用14G或吉吉袋,
如果柄柄夠粗或夠韌嘅就14G打孖都勉强嘅, 執生囉!
袋袋經常濕住啲瓜果會唔會因此而變壞呢? -- 我嘅經驗係唔會, 唔知其他壇友嘞!
嗱, 現在笠體芒果嗰啲就係42G袋嘞!
|
顯身卡
.
決定若果買就買20料做雙層啦。