請教種植斷崖女王

植株已種了差不多一個月, 完全没有生長的跡象, 而且植莖不斷向上枯黃, 是什麼原因呢? 平時是放在東面通風的窗台, 每星期透徹澆水一次, 是植料問題? 是澆水問題? 還是其他原因呢?
多謝大家賜教!

似乎植料太濕/不透氣所致！
唯有將莖剪掉，將小球用疏水d植料再種！
斷崖女王...晒多d會好d！

多謝Sam的寶貴意見!
上面像綠氈的毛毛葉是没有任何問題的, 没有枯死, 看似健康, 你說要剪下整條葉莖從球再種嗎?
請問應用什麼植料? 我買回來時植料像是非洲堇的三合土, 即珍珠石+蛭石+泥灰炭, 因從前未有種植經驗至今都不敢更換植料, 請你再給我意見呀! 多謝!

用非洲堇的植料應該ok！坭乾了先至淋水。(唔好淨係計日子！要看其他外在因素！)

如果莖唔係 '真係枯緊'，由得佢！
如果你肯定係枯緊，整條莖由球頂全條剪去都唔怕.......而家天氣，球球好快會出新葉！

剪出完好葉莖......不如試插坭，睇生唔生？

揾咗呢個好耐, 請問邊度可以買到 ? 真的很喜歡!

Sam 你的意思是現在不用更換植料嗎?
我覺得植株不是真的枯萎, 因為也頗堅挺, 初見葉莖開始枯黃, 想是不適應環境吧! 日子一天一天的過去, 見它老是向上爬, 心就急起來了! 多謝你的回覆令我安心了! 謝謝!
我在塔內找到舊文, 有些花友是用沙泥作植料, 不知有否試過?
要我剪下葉莖重種, 實在下不了手......

Kelly, 我初次見小女王也被它像毛毯的葉子吸引, 軟綿綿的感覺, 真想坐上去!
這個小女王是一個月前在花墟分店最多的那間花店買的

可以睇呢兩個 posts :-

http://hkplants.com/viewthread.php?tid=9606&page=2#pid117414
http://hkplants.com/viewthread.p ... =page%3D3#pid127181

如果不是枯........可以再觀察先決定換唔換植料；
不過換可以安心d！又可以 check 真d坭是否太濕！

我還是不太安心, 所以挖泥看看是否植料出問題, 原來全部根都枯乾了, 我想是表土的蘚苔吸乾了水份, 令植株無法吸水, 應否先除去枯根後才用三合土重種? 現在應怎樣處理?  請給我意見!

沒事的..換植料順手剪埋支莖啦....等佢重新適應個新環境 ^^  要乾要太濕呀

照做了, 期待小女王可以重生, 多謝各位花友賜教!

謝謝你大白燦!
祝小女王快高長大 !

原帖由 kelly 於 2008-5-4 22:29 發表
謝謝你大白燦!
祝小女王快高長大 !

淨係多謝佢？

唔制呀！

[ 本帖最後由 sam 於 2008-5-4 22:44 編輯 ]

Kelly, 多謝你的祝福, 希望成真吧!
我想必要在這裡點名多謝sam 及 ppchu 兩位熱心的花友! 以表掦他們拯救小女王
小女王若能長大成大女王, 必定上載給大家看看!

睇D根個樣吾似死喎，用D疏水嘅植土種番好佢,應該有得救.30天內應該有分曉 祝好運

这个 好难死架！

不过，佢唔係一般岩桐，佢要好多太阳，暴晒。

原帖由 大白燦 於 2008-5-4 23:25 發表
Kelly, 多謝你的祝福, 希望成真吧!
我想必要在這裡點名多謝sam 及 ppchu 兩位熱心的花友! 以表掦他們拯救小女王
小女王若能長大成大女王, 必定上載給大家看看! ...

Hehe! 順番晒！

長大成大女王！.......到時爭皇位啦！

我已種了四年，認為斷崖女王和大岩桐一般處理，超粗生，可多水．

原帖由 sam 於 2008-5-5 11:25 發表

Hehe! 順番晒！

長大成大女王！.......到時爭皇位啦！

SAM 大哥, 你咪嚇親人啦....爭重位,  ?? 好似而家已經爭寵啦............^^

改得個咁靚嘅名！梗係有番咁上下啦.......位位都係寵妃！