百香果會唔會好惹蟲?

貓貓 幫你加肥料?? 係你養就打佢 屁股啦..

d貓係鄰居養o架,有成七八隻o甘多,日日o黎我屋企搗亂,又要幫佢清理大小便
今朝好嬲呀,即刻摘o左十幾廿粒指天椒磿碎溝水,淋到成地同花盆邊都係,希望可以趕走佢地啦~
話時話,比貓施過肥o既農作物仲食唔食得o架?

唉也也.....   又係鄰居, 我都好怕d可惡鄰居, 貓屎好臭ga.....

我家花園都常有鄰居既自來瞄,
好在佢地都冇掏蛋,
只係有時挨下d植物同曬太陽....

你地花園好大??? 無圍欄圍住咩???  咁多小動物出出入入

原帖由 arp 於 2008-5-7 10:16 發表
我家花園都常有鄰居既自來瞄,
好在佢地都冇掏蛋,
只係有時挨下d植物同曬太陽....

你就好啦~
其實我幾鐘意貓o架,但係佢地日日o黎破壞,已經超出o左我容忍o既範圍

原帖由 maymay靚 於 2008-5-7 10:26 發表
你地花園好大??? 無圍欄圍住咩???  咁多小動物出出入入

我屋企個花園好細咋~不過因為種得太多o野,引起佢地垂涎啫
我同鄰居之間有圍欄(疏窿),d貓自己識搵窿捐入o黎~
其實佢地唔止入我屋企,其他鄰居屋企都照入,但有個鄰居有狗,d貓冇咁放肆~

圍欄(疏窿)!!!!!! 你咪仲慘過我對住個 惡鄰居 , 起碼係實牆, 見唔到佢地...
我就你個問題 問過朋友, 朋友話貓貓係好難對付, 跑得快又...閃來閃去, 不過朋友建議係貓貓 (喜歡) 抓的盆栽泥上放 (禁釘) 尖位向上, 等貓貓 抓泥時, 弄痛她, 她知痛就不會再做了...  (低成本不防一試).

原帖由 maymay靚 於 2008-5-7 11:44 發表
圍欄(疏窿)!!!!!! 你咪仲慘過我對住個 惡鄰居 , 起碼係實牆, 見唔到佢地...
我就你個問題 問過朋友, 朋友話貓貓係好難對付, 跑得快又...閃來閃去, 不過朋友建議係貓貓 (喜歡) 抓的盆栽泥上放 (禁釘) 尖位向上, 等貓 ...

多謝你朋友的建議,但會唔會整到佢地流血o架?我好驚血
其實我地同左鄰右里關係唔係太惡劣,不過都講唔上十分好~
圍欄(疏窿)部份係上手業主留低,係同鄰居共用o既,所以我地唔敢搞~
我會努力改善鄰里關係,我相信佢地會容易溝通過你個惡鄰居

我係吉之島十蚊站見過一D綠色的防貓地蓆，大細大約有1尺X1尺倒。主要原理都係佢有一支支幼膠條，當貓貓行上去時吉貓貓的腳仔。貓貓感到唔舒服就唔會行上去，不防試o下呀！我覺得比用禁釘好，因為唔會傷害倒貓貓之餘又唔怕自己唔覺意整倒自己。

原帖由 Sophia 於 2008-5-7 12:04 發表
我係吉之島十蚊站見過一D綠色的防貓地蓆，大細大約有1尺X1尺倒。主要原理都係佢有一支支幼膠條，當貓貓行上去時吉貓貓的腳仔。貓貓感到唔舒服就唔會行上去，不防試o下呀！我覺得比用禁釘好，因為唔會傷害倒貓貓之餘又唔怕自己 ...

呢個幾好喎 多謝你呀~
我諗我要買十塊八塊至夠用,haha~

原帖由 Christsui 於 2008-5-7 12:15 發表

呢個幾好喎 多謝你呀~
我諗我要買十塊八塊至夠用,haha~

唔怕啦，可以保護倒心愛的植物又可以免卻同鄰居有爭執，買多幾塊都無所謂啦

我都見過, 四四方方既膠, 十塊八塊 都好貴喎....
朋友話貓貓好醒目, 一痛就走, 唔會傷到佢.

我自己有養貓，佢o地好聰明，有機會會用沙蓋住D釘。其實怕係貓貓亂抓，結果D禁釘四圍都係吉倒自己

係呀~我都覺得d貓好醒目~
以前露台有種o野,佢地就去露台搵食,依家我清晒露台o既盆栽,佢地就集中目標攻擊花園o既"獵物"
真係一場持久戰呀

我信 SONHIA 所講, 佢一定好熟悉貓貓習性, 睇佢成個貓樣就知   (講笑咋唔好嬲)

今日去o左吉x島10蚊店,買o左你地講o既防貓蓆啦~
好開心呀,直頭係如獲至寶呀
以後唔使再幫d貓清理大小便啦~
多謝Sophia & maymay好介紹

係 SOPHIA 既好意見, 我D係屎橋.

你o個d都唔係屎橋,應該有人試過work至話你知o既~
我依家開心到返返o下工都可以笑出o黎呀(唔係講笑)
好想快d放工返屋企佈返個驅貓陣呀~

祝你成功, 唔駛再煩惱..