求救!!!於雀仔街遺失愛情鳥一隻

花友bigpig603今日下午於雀仔街附近遺失愛情鳥一隻, 黑色頭, 白色頸, 灰色身,
如見到或捉到, 請與bigpig603或本人聯絡!!!多謝!!!

雀仔街...遺失雀仔???

係呀, 她拎隻愛情鳥去剪翼, 比個店主打開左個籠, 跟住就飛走佐啦

有冇相睇,因為隻隻個樣差唔多?

尋找愛情鳥一隻( 黑色頭, 白色頸, 灰淡籃色身)不怕人,咬人,無剪翼,叫'黑仔"

今日帶佢剪翼,原本去能記剪,因為佢咬得我好勁,自已剪唔到,經過燕記見到門口d可隣bb,多口問個老板娘剪唔剪翼,佢話剪,老板娘打開籠,我即刻話你唔帶手套呀,咬人好勁,之後我低頭開可樂,點知同一時間老板娘找錢俾人,,以為放心,就係呢一刻老板娘話飛就左,先飛停係佢d鳥籠,我想慢慢走近,點知佢用支網撲佢,已經嗌住老板娘停,之後被嚇飛停係舖頂,老板娘用丫叉嚇佢,叫老板娘停佢又唔理,之後嚇走左

老板娘第一時間話唔唔關佢事,無打開個個籠,無掂過,之後又反口話愛情鳥企係籠,想捉就飛走,最後話係我打開籠,反過來話我搞事,

其實係佢打開籠,捉唔住,我已經失去了愛情鳥好唔開心,佢仲死口話無
佢開籠過程,只有我同老女人在場,佢仲大大聲同周圍鋪講死口唔認,
我唔敢開籠門,因為一放隻手係籠邊就咬,次次用毛巾包手開或換糧,
我傷心到喊住同佢理論,佢就大大聲鬧,只有佢捉"黑仔"嘅過程成條街都望住,俾佢嚇到飛上舖頂,其他店主想幫手,但已太遲,其他店主話佢幫人剪翼都搞成咁叫佢賠,我個心只想快d揾,揾到5點幾再係花墟搵都無,
我同一兩間鋪傾得下,其中一個老板打俾我話都末見番黑仔&我走之後燕記老女人周圍講唔关佢事

總之希望'黑仔"無事
請問我係咪要聽朝一早去,雀街開幾點?

希望各位雀友幫忙,透過討論區，發散消息,如好彩見到或捉到, 請與本人聯絡!!!多謝!!!

謝謝K.Manchu幫忙先出帖

你明天試下一早去雀街大聲叫下佢個名, 因為愛情鳥會認主人, 我估佢唔會飛得好遠,最有可能係雀街啲樹過夜,雀街開4:00am, 所以你可以一早去試下, 祝你能夠找返黑仔!!!

衷心希望你好快搵番"黑仔", 呢度有好多花友幫你手,一定好快會搵得番架....

真是唔好彩，遇著個冇責任感的人。她應該有經驗知道怎樣做才安全妥當﹗雀雀在她的店舖走失她應當賠返一隻比你...........................激死人﹗

希望你早日與"黑仔"團聚

希望快d揾反"黑仔",之前我隻雀仔飛走咗,日日落街揾,真係傷心到好似失戀咁~

真係慘..個老闆娘咁衰!!
希望你早日搵返你隻黑仔啦!
我之前都有試過唔見愛情鳥!