我無種過呢隻花, 但死狀唔似乾死, 最多似濕死, 病死多D,
太陽唔夠會係瘦弱, 生長不良
B17 的經歷, 我都試過
係同一個盆, 同一堆泥, 好似係同一種植物,
先後兩次出現種種下, 有D 白色粉狀生物食哂根而死
後來換泥, 一樣咁死多一次
之後出動藍威寶浸半小時, 再擦洗個盆, 但因為個盆都用左幾耐,
我係無完完全全清洗得一"泥"不染
跟住就滿心歡喜地用新泥再種
一樣再出現同樣的"生物"
最後就用左絕招, 就係丟埋個盆用個新既, 咁就無事啦
後記, 那種粉塵般既白色生物, 移動緩慢
但又非常活躍, 佢地晚上就會走出個盆到,
每朝返到公司, 就會見到圍住盆邊既地下, 佈滿個d白色粉
不過又好奇怪佢地唔會再郁, 因為試過圍住佢地幾日,
佢地位置又一樣架喎, 即係神奇地走去第2度死.....唔知呢個係咪因為佢地繁殖方法所致.....
|