而家啲細佬,細細個就學人偷嘢!

我囝囝今年讀二年級,四月頭,學校開始用智能CARD嚟俾學生返學登記時間,我就將個囝將智能CARD連埋張八達通&CRAD套放埋一齊俾佢帶返學(之前無帶八達通),跟住過兩日學校放假,我同個囝去街,上車前用八達通俾錢,先發覺CARD套入面並無八達通,我以為個囝將個套FING嚟FING去整唔見咗,鬧咗佢幾句,好啦,咁去買過囉,返學後一星期,又係去街,出去前叫佢睇吓入面有無八達通(我已經用膠紙貼住,等佢唔好跌),點知發現啲膠紙喺度,但爛開咗,入面有八達通既透明膠套,都係爛咗既,但八達通就唔見咗啦!我嗰時諗,佢張CARD係俾人偷咗,諗住星期一同老師傾吓,跟住成個星期都唔記得同老師傾.

啱啱呢個星期四(昨天).接個囝放學,但係唔見個囝落嚟,老師叫我留底(??唔通個囝犯咗乜嘢事?佢都幾乖o架),行上樓梯,老師問我,我個囝係未唔見咗八達通?原來有個女同學偷咗,佢拎番屋企,佢媽咪發覺佢多咗一張,問佢喺邊度拎,佢就和盤托出,係喺我個囝度偷,二年級咋!!就學人偷嘢!!