我細細個就見我媽種嘢,淨睇冇幫手,因為怕蟲。之後結婚前搬去花墟附近,就開始種肉,嗰時室內種,老公又唔係話太支持,之後仲要有咗囡囡!好彩我媽勁支持我,幫我一齊攞啲肉去佢屋企公家天台種,日日幫我淋水,我換盆時幫我捉蟲
我生咗囡囡有日返左天台翻盆,有個丫嬸經過話,你唔駛湊囡咩?我話,老公湊,跟住佢就笑笑下話咩生咗唔駛湊。係架,種花真係比人一種好得閒先做嘅嘢,好似退咗休先有資格做 嗰時心情真係勁差,我係去減壓,都要比人指點。冇丫媽支持,我可能就放棄咗啦
石子有開網店,都有擺路攤,其實有好多客人都係年青人、小朋友,甚至有兩位媽咪係買啲小苗返去教囡囡種。啲小朋友其實好鐘意種,不過如果丫媽唔同意,就冇得買,所以話,都係睇家人影響
|