超市香草

最初買成盆返黎種窗邊諗住可以防蚊蟲，原來係冇乜成效，之後都試過因為唔通風同室內太乾燥全部死晒。
依家所有香草都係超市買返黎，薄荷，迷迭香, 鼠尾草係枝條浸水後種地，虾夷蔥同牛至係成盆買既。所有香草我都唔會去施肥，呢邊天氣凍又成日落雨，只會係乾燥夏季先間中淋下水，種戶外冇需要特別打理。



蘋果薄荷係我既最愛，生得比較慢，每年十月尾開始休眠，到四月份開始出返芽。


百里香，種左兩個月大左一倍，蝸牛成日食佢D 葉。


虾夷葱，到秋季尾都係會休眠，種左年半。


薄荷晒得太陽多生得唔靚。

種另一邊同品種既薄荷今年剪收左幾次都大棵過曬太陽果棵。


大蔥花，蔥係種極都唔夠食，所以都係成日要買。


鼠尾草，呢棵種左兩年半，第一年種盆時成日都想死又死唔去，落左地就完全唔同晒，仲開左好多枝花。秋季尾休眠到三月份重新進入生長期。


剪左幾枝返屋企插， 花香味比較淡，唔夠葉咁香。



岩岩落地冇耐既迷迭香同三年後既迷迭香，呢棵冇休眠期，幾時都可以採收。


羅勒都係枝條種起，種過好多盆係花園都會俾蝸牛食哂，所以一定要種屋內，屋企種好易有芽蟲，所以係我覺得最難種既香草。

香草高手，連昆蟲都有研究，熱愛大自然！

之前誤會以為採花蜜就係蜜峰，溫書後認識到世界上很多採花蜜的峰都不是蜜峰。只有產蜜糖品種方可稱為蜜峰。其餘品種只採花蜜，幫助植物受粉，並無產峰蜜。


如果冇認錯，花園自來峰應該係Early Bumblebee （熊峰），因為蜜峰冬季唔會死，Bumblebees 會於秋季未死亡，春季近一批峰卵長成重新活躍採花蜜。

檸檬薄荷（香蜂草），係草叢中搵返。



虾夷蔥，中午陽光猛烈時花色較粉，黃昏時睇落係紫色。


兩款都係蔥花冇乜花香，Bumblebees卻很愛。

菜妹 發表於 2019-5-20 19:51
歐洲香港種盆係一大挑戰，若果空間許可，建議大大換大一倍size盆種，俾走徑有空間生長。夏天家中開冷氣時 ...

多謝教導及提醒，我真係唔知道要備份水種渡夏及用大啲的盆，我仲特登俾佢曬多啲太陽添，但個位
是窗台室內，非常通風

菜妹 發表於 2019-5-12 09:07
兩年半大既鼠尾草同兩棵三年半大既迷迭香比，size更加係超越。
迷迭香幾吋枝條就直接落地，鼠尾草插枝頭一 ...

•咁蜜蜂去晒渡假時，你咪可以攞蜂蜜囉？

•女神前世一定係小龍女嚟！
小蜜蜂同你做朋友！唔怪得在你家落地生根住三年啦！
莫講話三年！住一世都得啦！

Ming36 發表於 2019-5-20 19:16
我都係第一次試種香草，話晒都係第一次去親子農莊，參加栽種活動，唔想小朋友唔開心，所以睇書、上網搵吓 ...

歐洲香港種盆係一大挑戰，若果空間許可，建議大大換大一倍size盆種，俾走徑有空間生長。夏天家中開冷氣時亦可放通風口吹風。

菜妹 發表於 2019-5-20 18:21
咁細既枝條都種出一大盆，師兄好功夫！
薄荷家族好大架，我仲有檸檬薄荷同胡椒薄荷消失草堆中，遲下可能 ...

檸檬薄荷係咪真係有檸檬味？
胡椒薄荷係咪又有胡椒味？

菜妹 發表於 2019-5-20 18:21
咁細既枝條都種出一大盆，師兄好功夫！
薄荷家族好大架，我仲有檸檬薄荷同胡椒薄荷消失草堆中，遲下可能 ...

我都係第一次試種香草，話晒都係第一次去親子農莊，參加栽種活動，唔想小朋友唔開心，所以睇書、上網搵吓啲資料，盡力拯救弱弱的小苗（其實唔可以叫小苗，連根都冇，就比我哋插到砂土中，真係我見猶憐）

Ming36 發表於 2019-5-20 15:48
原來薄荷都有咁多品種，種得好靚啊
上年年尾，去完親子農莊，第一次種薄荷，由兩片葉種起， ...

咁細既枝條都種出一大盆，師兄好功夫！
薄荷家族好大架，我仲有檸檬薄荷同胡椒薄荷消失草堆中，遲下可能搵得返。

菜妹 發表於 2019-5-12 09:07
兩年半大既鼠尾草同兩棵三年半大既迷迭香比，size更加係超越。
迷迭香幾吋枝條就直接落地，鼠尾草插枝頭一 ...

原來薄荷都有咁多品種，種得好靚啊
上年年尾，去完親子農莊，第一次種薄荷，由兩片葉種起，呢幾個月摘下心，再插枝，希望佢可以收得濃密啲

菜妹 發表於 2019-5-12 09:07
兩年半大既鼠尾草同兩棵三年半大既迷迭香比，size更加係超越。
迷迭香幾吋枝條就直接落地，鼠尾草插枝頭一 ...

佻皮女神種乜都咁靚！羨慕！

兩年半大既鼠尾草同兩棵三年半大既迷迭香比，size更加係超越。
迷迭香幾吋枝條就直接落地，鼠尾草插枝頭一年係種8cm膠盆，落地時約10cm高好細棵，變成巨草都係過去一年半既生長。
迷迭香前年，上年我都有插枝落地，插左十幾棵，全部係第一年都只長高少於5cm, 結論係第一年養根，第二年開始生長。
鼠尾草直接插枝落地生長速度快好多，尤其是種係全日照位置， 種盆大得唔多，香草植物都係要接地氣先健康。

門口既鼠尾草生到出晒路邊，愈剪愈大棵，忍唔住掘起佢移植到後苑，根部非常發達，搞左半個鐘出晒汗仲要剪根先掘得起。咁大棵又爆花菖，如果定植到今個夏天都可以日日有花睇，上年種門口連爆花自己都冇乜時間欣賞，期盼今年花期，前題係要成功定植。


迷迭香插枝苗


鼠尾草8個月插枝苗


剪草時見到蘋果薄荷出返黎，冇死到，即時放心晒


朱古力薄荷


猫薄荷


大葉薄荷



薰衣草上年夏天插枝成功，最近我密密谷肥佢。


兩棵claim師姐送既艾草：普通仍細棵， 黃班艾草愈黎愈靚，愈睇愈愛



牛至種子苗入春後大左好多，移植落虾夷葱盆度一齊種。


檸檬百里香冇普通百里香咁粗生。

百里香


麝香錦葵生到失晒控，試過移植但根長到掘唔到。


蔥花


花園自入春後各種花開唔停，兩棵迷迭香樹更花開不斷，每日有小園丁幫手工作（採蜜）。


蜜蜂仔霸佔左呢個堆草箱三年，每年冬天都會去第二頭住家旅行，早春先搬返黎住。

little_stone 發表於 2019-5-11 19:28
有返太陽就生得返都好好
我好多香草都種唔到，夏天太曬，日日 ...

艾草根同走徑生長力強，所以我都定期換大盆種。

菜妹 發表於 2019-5-8 06:07
班葉倒手香同碰碰香我都用左近兩三個月先服盆，呢排一冇太陽就停止生長，要曬既植物我都係難養肥。 ...

有返太陽就生得返都好好
我好多香草都種唔到，夏天太曬，日日淋水都乾c (百里香嗰啲
不過艾草生命力真係幾頑強。上個夏天以為佢c咗，換咗個盆俾貓鬚草，山竹吹c咗貓貓，秋天時我媽話貓貓生返出黎，仲肥咗好多喎！我睇真啲，原來係艾草黎

百里香




細香蔥


蔥花

little_stone 發表於 2019-4-4 20:45
師姐種得好靚呀！
倒手香家族真唔錯，無論凍熱都生得好好
唔似我嘅麝香錦小苗，春天氣溫高少少就仙遊咗[e ...

班葉倒手香同碰碰香我都用左近兩三個月先服盆，呢排一冇太陽就停止生長，要曬既植物我都係難養肥。

菜妹 發表於 2019-4-4 09:00
迷迭香，每次同人介紹呢棵係我幾年前由枝條種大，d人都會問我有咩技巧，答案係種落地，勤摘頂芽速進分枝， ...

師姐種得好靚呀！
倒手香家族真唔錯，無論凍熱都生得好好
唔似我嘅麝香錦小苗，春天氣溫高少少就仙遊咗 其他秋天播種嘅香草苗都c得7788

迷迭香，每次同人介紹呢棵係我幾年前由枝條種大，d人都會問我有咩技巧，答案係種落地，勤摘頂芽速進分枝，唔使施肥。


更新下館內善心花友送贈既香草：


黃班艾草，本來春天應該要種落地放養，但近來有機會隨時搬屋，所以都係留係盆度。

大葉倒手香，落泥、浸水幾個月冇根出，以為唔得既時候就轉春季，服盆存活。

大葉倒手香與黃班倒手香

碰碰香摘頂芽後大左兩倍



*蘋果薄荷種落地後至今都未露面，可能已仙遊。

歐洲香草有勞你種植，然後上載靚相給我地欣賞了。