求討論！大家用甚麼盆來種肉？

想八卦吓大家都用甚麼花盆來種多肉？陶盆、膠盆、水泥、玻璃、鐵罐或是雞蛋？

大盆子，中盆子，小盆子，那種比較多人使用？

我先拋磚引玉，說說我的用盆偏好，希望花友們也來分享在香港種肉的用盆心得。

我現在的窗台多肉多數使用紫砂盆和水泥盆，多肉們都住得狀態良好。這種材質都透氣度高，特別是紫砂盆用了很久，從未悶到多肉，反而是有時透氣太好，多肉缺水哈哈。好比說是寛口扁身的盆子，試過種下的多肉太少，結果乾得過分快，害新玉綴差點兒仙去也。


以前試過用汽水罐大小的玻璃器皿種多肉，但太深太焗了。那怕全用顆粒土，底層也超快有水氣，所以放棄了。最近在Daiso看到有竹製的彩色花盆，寛8cm高7cm底6cm，12蚊3個。未用過這個材質，但應該足夠透氣，尺寸和我平常用的差不多。


我現有的花盆盆口寛5cm - 8cm不等，平均高5cm。尺寸不大，特點是乾得快，不用擔心出現果凍死。

另外，我心思思諗緊好唔好買某寶9蚊幾個既6cm拇指盆，小小的很可愛很想要！大小和我用宜記多肉附上的小膠盆拼盤差不多，管理應該不會太難吧？（說服自己去買買買～）

Elizalyt 發表於 2018-5-22 22:05
罐頭做花盆都係第一次，睇網上既人做得好靚，諗住室內用應該鏽得慢啲吧？不知是不是表面被我塗了塑膠彩的 ...

咁幾好喎!

little_stone 發表於 2018-5-22 12:08
<span class="emoji emoji1f44f"></span><span class="emoji emoji1f44f"></span><span class="emoji emoji1f44f"></span><span class="emoji emoji1f44f"></span>
祝渡夏順利～
水泥 ...

罐頭做花盆都係第一次，睇網上既人做得好靚，諗住室內用應該鏽得慢啲吧？不知是不是表面被我塗了塑膠彩的關係？所以在陽光下也沒有滾熱的情況。

比較直曬時的表面盆溫（用手感覺）：最高紫砂，竹，鐵罐水泥。原因不確定，也許…也許是水泥比較透氣？

Elizalyt 發表於 2018-5-22 10:45
謝謝大家分享用盆心得 就用更新來祝大家佛誕快樂，渡夏順利。

今年5月中入了新肉肉，所以順 ...

祝渡夏順利～
水泥盆真係唔錯!
鐵罐唔易生銹咩？同埋會唔會曬到好熱？

好多肥葉苗

謝謝大家分享用盆心得 就用更新來祝大家佛誕快樂，渡夏順利。

今年5月中入了新肉肉，所以順便把幾顆多肉都一起換了盆。新盆既有daiso彩色竹盆，也有午餐肉罐頭。多肉在30度高溫下狀況良好，隔幾晚吹吹usb風扇便可，顏色暫時沒有大變化。


新鮮肉罐頭 新成員：艾倫、姬秋麗、老臣子：新玉綴及隱藏在角落的黃麗小苗


全家幅。鹿角海棠正嘗試多水養肥，解決皺紋問題；特玉蓮不知是缺水還是曬到了？下葉枯了好幾片；一堆葉孵正分散在不同盆中，期待曝盆！




近期用盆小發現：陽光直曬下，紫砂摸起來最熱，白水泥涼涼的，有點兒出乎意料。

pringgy 發表於 2018-5-19 12:03
我用膠盆，最底放墊底石，普通種植土溝顆粒，有時開下usb風扇仔，有時就開風扇吹自己戈時吹埋佢地，夜晚會 ...

歡迎新花友

s011143011997 發表於 2018-5-6 20:01
個人都係環保，膠樽膠盒乜都cut左佢黎用

Btw你啲鹿角海棠幾靚!  ...

歡迎新花友

鼓勵支持環保

石胡 發表於 2018-5-6 17:13
手頭有乜就用，循環再用。

歡迎新花友

歡迎新花友。
多謝發起有趣問题討論

我用膠盆，最底放墊底石，普通種植土溝顆粒，有時開下usb風扇仔，有時就開風扇吹自己戈時吹埋佢地，夜晚會開陣冷氣。放係窗台養，冇陽光射入黎，但就係好光猛，朝早起身會搬入房曬陣早上既陽光冇咁熱。另外得兩棵係用小白瓷盆

迷你就用用完既試飲杯，大左用屋企舊左餐具咩野都
用。
淘返幾個靚盆仔種肉睇落係美觀好多，我淘左十幾個，盆太細泥好快乾，某D多肉品種我用100%靚泥都要一星期淋三次水，考慮下樓主種植品種作決定有冇需要。

Elizalyt 發表於 2018-5-8 10:53
咁細都冇地方放，icesea你朋友屋企係蚊居嗎？

睇相似乎你啲泥入面顆粒比較少？我屋企用既 ...

因為朋友的公司有一些園藝班，多了兩三盆植物就沒位放了！

我的多肉，泥下只有陶粒及火山石！

icesea 發表於 2018-5-8 00:50
環保一點是吃完的啫喱膠杯子，只有2cm，當時我朋友說想種，又沒有空間放，所以我弄了一些最最最小有根的 ...

咁細都冇地方放，icesea你朋友屋企係蚊居嗎？

睇相似乎你啲泥入面顆粒比較少？我屋企用既係顆粒為主既多肉土，適合用於潮濕地區。（我家近海邊，又身處香港，唔算潮濕都難）

Elizalyt 發表於 2018-5-7 16:36
迷你肉我鍾意哈哈！我家既多肉都係小小肉（除左千佛手係大大肉）icesea你有拇指盆種肉既相嗎？我都想下次 ...

環保一點是吃完的啫喱膠杯子，只有2cm，當時我朋友說想種，又沒有空間放，所以我弄了一些最最最小有根的多肉，但最後她都是說沒位放！
另外有好幾盆像這樣只有高3cm，實深度2.5cm的！其他的是水培（水種）！

Elizalyt 發表於 2018-5-7 22:44
哇！好cute呀！連包紙巾都大過佢地，名符其實既拇指盆呀 （星星眼）。

多肉水種我暫時未試過，未夠膽挑 ...

謝謝欣賞
水種其實麻麻，好易徒。
拇指盆純粹貪得意，後來都攞去土種lu
有關我嘅水種多肉小心得，可以光臨我舊post: 水耕肉肉
http://hkplants.com/forum.php?mod=viewthread&tid=190309&mobile=2
️️️️

little_stone 發表於 2018-5-7 21:09
我啲拇指盆～～ 陶瓷黎，所以係用水種～

個人覺得咩盆都好，唔好用陶瓷土種就得啦，好易爛根<span class="emoji emoji1f648 ...

哇！好cute呀！連包紙巾都大過佢地，名符其實既拇指盆呀 （星星眼）。

多肉水種我暫時未試過，未夠膽挑戰

little_stone 發表於 2018-5-7 21:05
好羡慕有紫砂盆用! 好靚呀，我一直都好想要但冇錢錢，肉肉太多啦。都係用膠盆多，紅陶都嫌貴<span class="emoji emoji1f648[/ ...

多謝讚賞  紫砂係阿媽傳俾我用既，以前一直塞櫃底差啲唔記得佢地存在，見我要養多肉才拎出黎用

我啲拇指盆～～ 陶瓷黎，所以係用水種～

個人覺得咩盆都好，唔好用陶瓷土種就得啦，好易爛根

好羡慕有紫砂盆用! 好靚呀，我一直都好想要但冇錢錢，肉肉太多啦。都係用膠盆多，紅陶都嫌貴
膠盆露養成效唔錯呀
有試過環保啲重用膠盆膠盒，但爆曬下唔係頂到好耐
用過姆指盆，基本要成日淋水/坐盆先夠水，室內養還好啦，用黎控型其實唔錯

icesea 發表於 2018-5-7 16:15
我用迷你花盆（拇指盆），或者環保一點的一次性食物膠盒（迷你的啫哩膠杯）！
因為我的多肉植物全部都是迷 ...

迷你肉我鍾意哈哈！我家既多肉都係小小肉（除左千佛手係大大肉）icesea你有拇指盆種肉既相嗎？我都想下次換盆時改成拇指盆呀～ 想參考參考