古怪蕃茄!!! 請教專家指點迷津

小弟第一次種植蕃茄，由種子開始種，每日淋水 (用山水 )， 用過綠精靈嘅開花肥同黃三興龍獅牌綠肥 (好似係 15：15：15，記得嘅話每星期一次，唔記得就可能一個月都冇)，用發泡箱種，泥就天然泥+蔬菜泥+珍珠岩，乜都有d，種子係賓賓度買，好似係V字頭，外國牌子，全期冇用農药，現在果實漸漸成熟，但樣子古怪，有一d果實似南瓜甘，有好深嘅坑紋，而且有大量果實底部 (花蕊)有好大個硬化嘅組織及洞穴, 只要少量係如種子包裝上張相一樣圓形嘅，
究竟係咪我做錯d程序？問題出响邊度？泥土問題，肥料問題，水源問題，基因變異，蟲害？
求各位專家指點迷津
感激感激!

多謝兩位專家寶貴嘅資料！

返左工影唔到相，今晚影下個袋同個蕃茄底俾大家睇下先！

謝謝

BTDC 發表於 2018-4-17 22:10
我想問「賓賓」即係即刻邊度？我都想試下種。

「賓賓」我係指花墟最多分店果間公司囉，
主要賣泥，種子，工具多果間分店
你唔介意包種子用左一年左右，我可以寄d俾你試下，
不過要好大地方，我地用街市d發泡膠菜箱種四棵一行都密到好似森林仔甘，我提議三棵一行好了，佢地約高一米左右

蕃茄牌子

蕃茄底部

sblam 發表於 2018-4-18 14:39
我種既黑番茄都係pat pat唔靚，但係好好食。自己種既肉肉酸酸架喇...

尋晚切開睇，入面有多條蛆蟲，不過冇影相，掉左喇，
下一次熟左再影俾大家睇
想問下蕃茄出果要唔要包個袋防虫呢？

sblam 發表於 2018-4-18 14:56
同埋你用既肥料係化肥，自己食既最好用下有機肥，如骨粉、雞屎肥、海藻肥等 ...

多謝你嘅提議,等我下次試下有機先，
原本係種俾d雀仔食，點知甘耐連老鼠都冇隻嚟咬下, 一定有古怪

sblam 發表於 2018-4-19 10:03
我大小番茄都有包，天氣開始熱，果蠅都活躍起來。我用不織布袋包住啲番茄，比果蠅針既機會細啲。
不織布 ...

等我試下先, Thx!!!

sblam 發表於 2018-4-19 10:34
哈哈！我啲番茄無諗住比雀仔食，但佢哋非常聰明，用網袋包住都偷食到。 ...

好可惜!
D番茄好靚仔ar!!!
加鐵網圍住