迷你玫瑰真係迷你玫瑰 !!

小雷子 · 發表於 2019-5-29 20:22:41

sarshk2014 發表於 2019-5-29 08:26
有靚靚玫瑰嘅歡顏，加埋雷大大嘅窩心留言，個天點灰都冇有怕啦！<span class="emoji emoji1f607"></span> ...

欣賞花花外，還欣賞你幅馬賽克牆，好襯你盆玫瑰！

sarshk2014 · 發表於 2019-5-29 08:26:33

有靚靚玫瑰嘅歡顏，加埋雷大大嘅窩心留言，個天點灰都冇有怕啦！

小雷子 · 發表於 2019-5-28 08:58:10

sarshk2014 發表於 2019-5-28 08:27
笑哈哈又開花佢唔好釆囉！開花遇正連日天陰落雨，不過佢又好堅強，冇比個天陰島！照開花冇有怕；標準 ...

天陰陰又落雨，充滿陽光感的靚靚玫瑰花，扮下太陽，亦可照亮人生！

sarshk2014 · 發表於 2019-5-28 08:27:44

笑哈哈又開花

佢唔好釆囉！開花遇正連日天陰落雨，不過佢又好堅強，冇比個天陰島！照開花冇有怕；標準啦，都算靚啦！

依張出水芙蓉樣好醒神！

sarshk2014 · 發表於 2019-5-20 12:24:28

開啦！大家覺得點呢？佢靚唔靚啫？

如果大家唔滿意冇緊要啦！第二Paul又有冧啦！有期待就有希望啦！下次見！

sarshk2014 · 發表於 2019-5-18 07:52:06

話説上回講到佢璀璨之後，也是要剪之時！。不過佢好堅強，唔洗好耐又從新上路，剪位發左三隻芽仔出泥；好開心又要剪，今次剪芽，三隻只能活一隻……

剪芽方法果然奏效，話咁快又有冧禾！真係想唔開心都唔得！

又話咁快又爆冧禾！你地估下今次朵花開得靚唔靚呢？

sarshk2014 · 發表於 2019-4-16 08:57:39

實際都唔細架！直徑有成兩寸多，種咗兩年今次最大朵，我睇都係佢嘅極限！

violet_bb · 發表於 2019-4-14 18:11:58

sarshk2014 發表於 2019-4-14 12:11
話咁快“2019年第一開”又到尾聲囉！開咗差唔多兩星期啦，佢已經变咗粉红色，但依然咁有覇氣。唔舍得都要剪 ...

形態同顏色都好靚呀！
影出嚟唔覺細丫！但係好迷C你！

sarshk2014 · 發表於 2019-4-14 12:11:34

話咁快“2019年第一開”又到尾聲囉！開咗差唔多兩星期啦，佢已經变咗粉红色，但依然咁有覇氣。唔舍得都要剪啦！又要等下一造再見啦！

sarshk2014 · 發表於 2019-4-9 08:21:39

今日隻色退得幾靚，影多張相先！

sarshk2014 · 發表於 2019-4-8 14:13:46

lblemon 發表於 2019-3-25 16:22
建議樓主正經買水溶肥比佢啦，洗米水唔夠肥力的，而且洗米水係要發左酵先得，會臭的，不是用新鮮洗米水。 ...

試多個方法冇壞啫！邊得閒等佢發酵呀！唔攪咁多野啦；用新鮮洗米水淋咗佢兩年，效果都算唔錯啦；唔麻煩唔死得唔覺臭唔惹蚊滋，仲有花開添，都算成功啦！

sarshk2014 · 發表於 2019-4-8 14:04:38

本帖最後由 sarshk2014 於 2019-4-8 14:06 編輯

各位觀眾，2019年第一開……黎啦！
好開心架！成個冬天冇見啦，佢囉！好似瞓左咁，其實香港冬天都唔係好凍啫！應該好適合玫瑰生長，但係佢都係死下死下咁唔肯生，天氣熱番佢又生猛番晒，連續兩年都係咁，顛覆晒所有理論，受熱唔受凍，真係冇佢乎！
四月二日開始爆冧，開到今日至開晒 ……

今次開得好有覇氣！

睇番尐插枝先，舊年插左十幾枝，死剩一枝，佢吊命吊左N個月，終於有反應，算唔算奇跡呢！
不過結果都係一樣……祝佢一路好走啦！

lblemon · 發表於 2019-3-25 16:22:23

sarshk2014 發表於 2019-3-22 08:21
個帖沉到落底都有人睇，好多謝大家咁關心佢，超開心超感動呀！[e ...

建議樓主正經買水溶肥比佢啦，洗米水唔夠肥力的，而且洗米水係要發左酵先得，會臭的，不是用新鮮洗米水。

sarshk2014 · 發表於 2019-3-22 08:21:41

個帖沉到落底都有人睇，好多謝大家咁關心佢，超開心超感動呀！佢已經有冧啦，如無意外，過多十幾日就會開花，到時再同大家update近況，依架睇住個冧先啦！

川流不息 · 發表於 2019-3-20 13:54:03

樓主種得好好呀~
繼續等睇你D靚花花~

sarshk2014 · 發表於 2018-11-7 10:11:13

summerhk123 發表於 2018-11-5 10:41
你種得好靚，我種一星期已屎左⋯ 請教你，你放什麼位置？曬到幾多個鐘太陽？我果度曬5個小時，是否太長時間 ...

原來有人留帖，即刻開心番晒。

多謝鼓勵先；開心“些牙”小小經驗啦：
1：種玫瑰真係乜都要多，肥多太陽多蟲蟲多…；所以種佢之前要諗清楚！不過話又咁講，我種佢只係淋洗米水，每日最多只有三小時陽光。咁都得可能因為佢太粗生。
2：如果你係新手，咁買尐平平地嘅玫瑰黎種啦，粗生尐易上手尐。我依盆迷你玫瑰只係$20。

sarshk2014 · 發表於 2018-11-7 09:01:27

本帖最後由 sarshk2014 於 2018-11-7 09:05 編輯

好唔開心又同大家見面啦！

因為冇花睇囉！比尐釆花雀啄晒去囉！兩個冧都啄晒，激死！

冇花睇咁就睇插枝啦，依枝六月插到依加，成半年啦，依然唔生唔死，真係冇佢乎！

依三技係七月中剪出黎，今次試下浸水，浸左三個月都係冇根出，只係發左尐灰灰白白嘅野出黎，睇睇下覺得唔妥，拿拿林又轉番落泥。

今日睇有尐喜色，有幾隻芽大左，希望今次唔係虛火啦！

summerhk123 · 發表於 2018-11-5 10:41:46

你種得好靚，我種一星期已屎左⋯ 請教你，你放什麼位置？曬到幾多個鐘太陽？我果度曬5個小時，是否太長時間？

sarshk2014 · 發表於 2018-10-17 08:52:36

本帖最後由 sarshk2014 於 2018-10-17 09:01 編輯

冇見幾個月，好開心又同大家見面啦！

因為“入秋第一開”泥啦！涼涼地果然唔同尐！花大左又靚左！十二號爆冧，十六號開曬，今日變左茶花咁！都係照舊只淋洗米水，我覺得重有進步空間，努力！

睇番條插枝先，都係全冇動靜，繼續吊命中！都係繼續唔理佢。

重有兩個冧泥緊，遲尐見！

sarshk2014 · 發表於 2018-7-16 12:09:45

大家想唔想知果三枝插枝依加係點嘅下長呢！呼…呼…呼…

…有兩枝先後壯烈犧牲左！佢地同樣生根後冇耐就基部發黒而死，兇手好可能係依條蟲(箭咀示)？爭番一枝努力求存，希望佢大步覧過啦！

迷你玫瑰真係迷你玫瑰 !!

RE: 新鲜洗米水種迷你玫瑰 !!