香港園藝館

 找回密碼
 加入園藝館
查看: 3344|回復: 87

[其他] 動物巫婆菲媽開檔啦~

[複製鏈接]
發表於 2014-9-9 12:52:47 | 顯示全部樓層 |閱讀模式
本帖最後由 prodorothyhkg 於 2014-9-14 17:32 編輯

終於有位開返屋企部私人腦啦~
之前應承花友開貼問寵物情況,而家可以做啦~

先寫下我的資料:
我用的不算是坊間的寵物傳心術~
機緣巧合下見水母隻受傷的腳經某一自然療法好返,好奇下走埋去學,自己某種天賦因此走左出黎,以前細個時都有某種特別感覺,不過以為係自己病,成日拍丸,自從學左半年後,已經發現原來唔係自己有病,係感受到別"人"的痛楚及能量而已~

現在更可以運用已學的方法,可以 link up 任何動物,知道有沒有病痛,當時的情緒變化等,亦有時可接收動物給我的訊息
但留意,佢有病但冇痛的地方我可能會搵唔到

最近老細退休,我唔捨得對狗咁熱,自己成機放3個月暑假,期間因為條氣唔順,因為唔係隨時收到動物想要/想講的說話,專登讀了"寵物傳心術"的課程,發覺不會比我用能量聯繫的快、好及直接(動物真係會講大話及唔會對陌生人說話)~

所以各花友有問題,可在此詢問,我希望每日可解答最少1個個案,因為要靜心先可以做到~
注意:
1. 所有死於非命的動物我唔 link up 的,因我會接觸到佢死前感覺,我會好痛好辛苦的
2. 走失的動物,牠們提供的資訊是牠們自己的感覺,所以人類未必明白,但可以知道牠們是否在生,有沒有受傷及有沒有溫飽等~
3. 病死/老死的寵物已寫出牠們的去向(這個是我十幾個月內接觸的已死動物的資料), 花友可問牠們的狀態~

花友可上載寵物的相片及名字,以便 link up

評分

2

查看全部評分

 樓主| 發表於 2014-9-9 12:55:47 | 顯示全部樓層
本帖最後由 prodorothyhkg 於 2015-4-1 17:44 編輯

已死去動物的去向~

先提一提我所理解的能量:
世事萬物的存在,總有相應的能量並存,正如許多科學家解說鬼魂亦是能量一種;所以做任何事,都要有足夠的能量才可成事~

最近一兩年,有親人、老死的寵物離世,我會send 能量比佢地,送牠們該去的地方。原因自己是過來人,三年前老Jack 去世時發覺"牠"仍在,時常總有點牠在左右的感覺,開始學會初級的能量治療,"牠"才真的離開,走到牠要去的地方。

去年之前,我只是憑"感覺"知道 link up 動物的狀態,但經一次重感冒後,開始"目及"到野啦,但並發覺在病病地的情況下"接收"會多一點~

近一年多,我感/看到"牠"們離世後的經歷大致如下~

當一般動物死後,牠們會從黑暗,經過不同的時間及路程,慢慢走向我們常掛在口邊的彩虹橋,而我看/感覺到的是彩虹花園,一個無邊際有(其實係主人們共同創造的地方,但亦可算是動物在人世間的最終站),過了此站.再儲存多點能量,就會真真正正離開~

如果牠們是夠能量的話,會走快一點到達,沒能量的會用多很多時間,在我們現存的空間儲存足夠能量才可上路,有上寵物傳心術堂經驗中有一隻貓死左好似2-3年,仍未走到去彩虹花園~

我與另一位花友傾談下亦得出的相同結論。她有天生的特殊能力,可用第三者角度"看"到想聯繫的動物,當時她的狗狗離世三天,她看到自己的肥寶貝好靚仔好苗條而且金火閃閃的與她朋友已死兩年的狗(當時她形容是一隻很污糟的狗)在彩虹花園一起玩;之後又一位花友的狗狗離世,我與她一起跟進狗狗死後幾天的變化,(剛好我那段時間病到九彩,亦因此靈性大於理性的情況下,反而看到我平時看不到的東西)所看到的情形~

一般寵物傳心術師最遠只會"看"到動物留在此彩虹花園一至數年,之後就不知去向,一說牠們去了投胎(這個詳情不清楚,但寵物傳心術的導師接觸過一個case),但牠們亦有第二條路,(這個我有send能量的都是循這路的)有足夠能量的話,牠會另到一個空間(剛好我們都見証到共同花友的狗離開彩虹花園的一刻),之前朋友的寶貝狗去到此空間後,她就不能再"看"到牠了 ~

不過寵物主人要留意,寵物死後仍感受到主的傷心及思念,如主人愈傷心,"牠"會唔捨得走,會留向主人附近,能量會漸細,徘徊主人附近,結果係兩頭唔到岸~
如果主人放下,牠們會慢慢走到彩虹花園,之後再要等幾耐才到最終目的地就要看牠們的做化~
 樓主| 發表於 2014-9-9 12:56:02 | 顯示全部樓層
本帖最後由 prodorothyhkg 於 2014-9-11 17:58 編輯

我是沒有任何宗教信仰,但會入廟上香拜神,入教堂會專重上帝(因唔識做其他)~所以唔會有宗教影響我的感覺及思維~

我會講出動物給我的感覺(如好彩的話會有影像),但因不是其主人,好多時會唔明牠們想表示甚麼,所以各主人們要自己執生,自己最好要思考自己的寶貝想要甚麼~

動物的思想其實好簡單,牠們諗野唔會好複習,但好容易受主人的情緒影響,而且牠們不懂釋放,所以有很多行為上的問題,所以在責罰寵物之前,請細心想想是否自己的問題~

點評

愛心滿懷,加油~~~  發表於 2014-10-3 09:33
發表於 2014-9-9 13:29:02 | 顯示全部樓層
謝謝菲媽
發表於 2014-9-9 16:40:27 | 顯示全部樓層
支持!
發表於 2014-9-10 15:52:36 | 顯示全部樓層
SUPPORT
發表於 2014-9-10 17:00:20 | 顯示全部樓層
支持
發表於 2014-9-11 09:26:16 | 顯示全部樓層



發表於 2014-9-12 11:40:59 | 顯示全部樓層
Hello菲媽
我叫miki
我有兩個case想搵你幫幫忙 想知道佢地生活得如何 有無野想同我地講/分享
Case 1:
寵物叫唂咕(貴婦仔) 已去世(當仲係bb時候 有晚突然血糖低缺水)
因為走時都未有兩個月 所以我只有維持係果個階段照片


Case 2:
寵物叫提子包(唔知有無改名) 亦唔知係咪仲在人世
佢跟新主人離開我嘅時候大約2個半月 當時新主人應承我會定期更新狀況 點知失蹤了。


請問你可以幫我同佢地兩個傾下計。比我知佢地而家生活 同埋有無野想同我或者狗爸媽講嗎?
Thank you very much
 樓主| 發表於 2014-9-14 16:01:01 | 顯示全部樓層
本帖最後由 prodorothyhkg 於 2014-9-14 16:17 編輯

唂咕個case,佢死時冇乜痛苦,似乎對於 "主人" 沒有深刻印象,但佢個心有一點東西 "毅" 住,似有野軒引住,唔係好安樂咁;佢正在前向上向光處進發,身處有白光的地方,但不太像彩虹花園,身邊有其他同伴~

呢d case,我唔會點問佢野,希望佢地會無牽無掛咁上路~

我的感想:唂咕離世時年紀小,未懂事,所以冇負擔咁走,而且佢知道向光處走,會慢慢走向彩虹花園
               miki 你唔使掛住佢,你既牽掛會令佢走慢腳步~

點評

唂咕 快啲去彩虹橋啦。等我 將來我會去搵你  發表於 2014-9-18 23:44
 樓主| 發表於 2014-9-14 16:11:55 | 顯示全部樓層
本帖最後由 prodorothyhkg 於 2014-9-14 16:22 編輯

提子包仍在生,不過佢唔係好開心,有大量負面情緒積左向度,散唔走;佢對手有軟的感覺,身體沒有其他痛楚;主人(疑似長頭髮女人)成日鬧人,係咁多~

其他野唔問佢,因搵唔到個主人,幫唔到佢~

點評

佢主人真係一個長頭髮女人。我呢幾日嘗試搵佢但佢都無覆。提子包你究竟係邊  發表於 2014-9-18 23:46
個女人似乎不太愛錫提子包﹗>.<!!!  發表於 2014-9-18 12:44
發表於 2014-9-15 14:42:54 來自手機 | 顯示全部樓層
本帖最後由 kamshing 於 2014-9-15 15:09 編輯

  hi, 菲媽,   她暫住在我家兩個多月,現已回到她的主人家了。請問她現在快樂嗎?有沒有掛念我們?




點評

我link up 佢時唔覺佢開心/唔開心,淨係想痴住人...  發表於 2014-9-15 23:23
佢有掛住你地,你地一家人會同佢玩~  發表於 2014-9-15 23:21
感覺佢痴住個主人,問佢有冇掛住約瑟,佢send兩隻野玩的影象,旁邊還有個細路指手劃腳.....  發表於 2014-9-15 23:20
有沒有名?齋睇佢唔開心~  發表於 2014-9-15 23:08
發表於 2014-9-15 15:10:05 來自手機 | 顯示全部樓層
我家小狗又會否掛念她呢?
發表於 2014-9-15 15:11:34 來自手機 | 顯示全部樓層

點評

名?男/女仔?  發表於 2014-9-15 23:36
發表於 2014-9-15 15:43:12 來自手機 | 顯示全部樓層
自從她的朋友返回主人家後(才2天) 她便愛躲在梳化底,不肯出來。  平常她活潑可愛,當我們回來時,無論她身在何處,必第一時間現身歡迎我們。現在她……            

點評

同佢講,松鼠返左佢媽媽度,你就繼續留向呢間屋度生活,你地會好"口易" 佢~  發表於 2014-9-15 23:34
佢擔心,佢驚你地會送走佢呀,所以呢埋唔出黎~  發表於 2014-9-15 23:31
發表於 2014-9-15 23:23:24 | 顯示全部樓層
本帖最後由 kamshing 於 2014-9-15 23:30 編輯
kamshing 發表於 2014-9-15 14:42
hi, 菲媽,   她暫住在我家兩個多月,現已回到她的主人家了。請問她現在快樂嗎?有沒有掛念我們?


佢叫Chanel, 我的小狗名AA,女仔,剛一歲。謝謝菲媽幫忙!

小狗AA今天好靜,冇心 機,唔知點先令佢開心D
發表於 2014-9-15 23:28:28 | 顯示全部樓層
prodorothyhkg
感覺佢痴住個主人,問佢有冇掛住約瑟,佢send兩隻野玩的影象,旁邊還有個細路指手劃腳.....  發表於 2 分鐘前

旁邊有個細路指手劃腳??唔明⋯⋯我屋企最細果個都15歲

仲有兩隻玩具是甚麼顏色,我可以送給她玩

點評

係咪有件玩具軟淋淋,麵包形(朱仔包),有2頭可"擔"住扯的?  發表於 2014-9-16 00:12
佢唔想要玩具,想人陪佢玩多d~  發表於 2014-9-15 23:52
仍然send個影像唔係大人咁,亦唔係bb,Chanel覺佢地係細路  發表於 2014-9-15 23:51
 樓主| 發表於 2014-9-16 00:09:43 | 顯示全部樓層
kamshing 發表於 2014-9-15 23:28
prodorothyhkg
感覺佢痴住個主人,問佢有冇掛住約瑟,佢send兩隻野玩的影象,旁邊還有個細路指手劃腳.....   ...

狗有分等級,主人有無上權威,其他家人向佢地眼中最高級都只係同輩~
發表於 2014-9-16 00:11:55 | 顯示全部樓層
prodorothyhkg
同佢講,松鼠返左佢媽媽度,你就繼續留向呢間屋度生活,你地會好"口易" 佢~  發表於 12 分鐘前
prodorothyhkg
佢擔心,佢驚你地會送走佢呀,所以呢埋唔出黎~  發表於 15 分鐘前

個儍女原來她擔心我地送走她。感謝菲媽的幫忙!

因第一次養小狗,還有很多問題想菲媽幫忙:

請問AA的右後腳是否先天性關節移位?獸醫在她半歲時照X-ray說的。是否真的要做手術?
她成日係地下執野食,好多時食左D唔知咩野,令佢成日嘔。請問有甚麼方法令佢唔再亂咁係地下執野食呢?

點評

佢暫時冇痛,所以唔肯定有冇移位,所以暫時唔好做住,可以睇定d先~ 執野食我以前會用白花油,而家會好惡同神態凝重咁say no  發表於 2014-9-16 00:23
發表於 2014-9-16 00:25:52 來自手機 | 顯示全部樓層
本帖最後由 kamshing 於 2014-9-16 00:27 編輯

prodorothyhkg
係咪有件玩具軟淋淋,麵包形(朱仔包),有2頭可"擔"住扯的?  發表於 2 分鐘前


是否這個玩具   

點評

似呢件,不過係見兩隻野有玩咋,冇話要擁有  發表於 2014-9-16 00:31
您需要登錄後才可以回帖 登入 | 加入園藝館

本版積分規則

聯絡園藝館|手機版|Archiver| HKplants

GMT+8, 2017-12-14 10:22

© 2014 hkplants.com

快速回覆 返回頂部 返回列表