殺根粉介

最近挖開幾盆都發覺有根粉介。已經洗根換盆處理。

其中一盆卷娟我諗都生左有半年，之前見佢下層葉枯我以為係夏天時太熱，但之後一直見佢都生得好慢，無乜點增生，掘開先知有根粉。


我估其餘的可能都傳染到有蟲，又唔想盆盆都掘出黎搞，太傷根，諗住落藥杜一杜蟲。大家有咩藥的好建議？

手上殺到根粉介的，得一支帝仙隆，用黎淋泥好唔好？對多肉傷害大唔大？

睇資料仲有好多其他藥如蚧必治、護花神、德國小綠藥......等等，有溝水淋的，有埋係泥中長效釋放的..........如果ok 我都會考慮淘寶買。


謝謝。

若我是你
我會完全地把所有換盆換泥
這才是治本

因我除了多肉都仲有幾多其他植物，如果為保險計，全換....都幾大工程，

如果唔計多唔多工夫的問題，討論一下：

換泥如果唔除根的話，又未必能100%除蟲，除根的話對植物傷害又很大，除根再種，重新生根，下層的葉起碼會謝幾片。

反而會唔會用藥對植物的影響較細呢？

crazyryan 發表於 2013-12-24 14:59
因我除了多肉都仲有幾多其他植物，如果為保險計，全換....都幾大工程，

如果唔計多唔多工夫的問題，討論一 ...

換泥算罷, 我上次噴完藥, 成盆又大殺虫水味, 淋水又起泡, 成棵死死下咁, 最終都係要換泥先掂.
你可以先換左高危嗰ｄ, 然後設立隔離區, 慢慢分批換啦.

你可以試下用苦煉油或者蟻粉

我都有同樣問題啊.不過我放左出街露養.前排多淋雨.尼排d蟲就差不多清晒啦

如果有根粉蚧，洗乾淨，換泥，不用殺蟲藥，會否好快番發?

根粉蚧係一個長期煩擾我既問題，當發覺有植株不生長，無生氣，基本上都係根粉蚧作怪。

根粉蚧會爬、粉蚧會低飛。我覺得除非養多肉的環境係完全被隔離，否則，都有機會感染到。

早排渡夏時，放窗台的一盆弱，就無啦啦生粉蚧。平時強時無事，變弱就中招，可見蟲係無處不在。

用藥會有藥害，其實換泥都會傷根。而且，單純換泥的話，如何保證根上無附著蟲？把所有根剪了？

較穩陣的方法是，換泥同時把多肉浸藥，藥浴，浸完重種。

這個THREAD 出了之後，我有用這個方法，藥浴是用帝仙隆。

後尾覺得，又要掘又要用藥，反正都係用藥，不如試下直接淋，唔搞咁多野。

淋藥後，除了虹之肉錦有些底葉變黃之外，其他十幾種多肉都無不良反應。

而家如我發現有粉蚧/根粉，都會用藥搞掂，不重植換泥了。