細說粉紅喜蔭

[複製鏈接]
作者: kelly 发表于 2013-11-17 18:00:09
14277 52
最近收到很多pm詢間有間粉紅喜蔭事宜, 在這一次作出解答

首次見粉紅喜蔭是2006年於現已結業的花墟嘉韻, 粉紅與綠的配撘很美, 但唔敢問價, 因為一盤4塊葉的Peppermint Girl當時已賣$70,中苗 Emerald City $300

一直到2008年園藝館舉行義賣籌款, 價高者得, 於是坐定定等到最後限時15秒前拍版, 終於投得, 得來不易, 別具感情~這就是我第一棵粉紅喜蔭 Ep. Cleopatra

言歸正傳

首先粉紅喜蔭切忌吹風, 忌凍忌乾, 生長速度快, 爛葉也快, 與av不同, 她不需要通風, 亦不要細盤迫根, 只要焗種的花器夠大, 有足夠空間 for inspiration, 夜晚植物會吸回自已日間放出的氧氣, 所以連孔也不用開, 以保濕度~
當然頂蓋要透光, 保鮮紙可作考慮~

其次是花盤問題, 花盤要大, 大是指夠濶, 不是深~ 因為喜蔭的根橫生, 沒有足夠橫向空間給其生長, 會導致凌空飛根的情况, 根部接觸不到土壤或水苔, 加上濕度不夠就會變黑壞死, 凌空的飛根壞死雖然不是導致植株死亡的原因, 因為泥內還有根, 無問題~但花友問為何我的粉紅喜蔭總是長不大, 葉片瘦瘦不好看? 人家口大根全是往泥裏去吃10碗飯, 你吃6碗, 便是這個原因~

所以放在玻璃缸內種, 既可達到內裏空間夠大, 透光, 底部植料的範圍也夠濶, 既易於觀賞, 又可作保濕之效, 缺点是重, 易撞爆~ 至於是否很難取出, 取出來幹甚麼?? 這不必計在考慮範圍內, 因為換泥時只cut泥面以上的部份, 去除老葉小葉, 甚至剩下最頂的4塊葉來重植, 根從莖部的節位長出, 去除老葉小葉代表有更多的節位出根~泥以下的根全部不要棄掉, 舊根千絲萬褸, 如要分開根與泥, 導致傷根, 不如重種好過, 環境合適(例如春夏20-30度間) (冬季在沒有保暖措施下則不宜換盤)只須兩週便重生長根~就算是拿去送或賣, 無根的重好, 至少不怕蟲害~

粉紅喜蔭切忌用帝先隆, 有個靚仔花友淋帝先隆殺菌做預防, 後果喺成棵唔見咗, 溶曬
我的由於種在缸內, 膠箱內, 而且密封, 所以從未落藥, 亦未聽過喜蔭有蟎, 綿花蟲會有, 只要棄根重植便可~

最後希望各位喜歡這種喜蔭的花友都種出一張張浪漫的粉紅地氈


1.jpg
這是我的種植環境, 上面一白一米白14w管, 下層的光管透熱往上層, 在現在的天氣下,桌面27.8度,  缸內保持25度
以前我是用天然光種的, 葉色比現在的美, 搬屋後天然光不夠, 唯一好處是保暖渡冬~

可以看到缸內的根爬滿缸邊, 表示已不夠空間了, 若非濕度夠高, 外露的根會變得啡黑

2.jpg 3.jpg
4.jpg 5.jpg

膠盒水苔密封種更方便, 一個月都唔使淋水, 保持水苔或泥濕甚至偏濕便可
6.jpg

膠盒內葉片情况:葉片向上揚, 因為夠濶比佢生根


6a.jpg

種在花盆內而焗種的容器也不夠大的情況~葉片較細往下而且飛根
7.jpg 8.jpg
10.jpg 9.jpg
11.jpg

評分

4

查看全部評分

Yenleelwy 發表於 2015-9-7 11:04:10 |顯示全部樓層
謝謝你KELLY的貼士!
dick 發表於 2015-5-29 00:00:53 |顯示全部樓層
今天才看到這帖,非常有用,謝謝樓主
Melb 發表於 2014-3-5 15:54:29 |顯示全部樓層
又學到野了...多謝Kelly 的寶貴分享
Goldi 發表於 2014-3-5 13:38:46 |顯示全部樓層
多謝分享詳細種植貼士.
Goldi 發表於 2014-3-5 13:38:43 |顯示全部樓層
多謝分享詳細種植貼士.
sfish 發表於 2014-3-5 11:06:24 |顯示全部樓層
感謝無私既分享..
同同 發表於 2014-2-15 22:52:25 |顯示全部樓層
明白了!我會努力將佢變成一張粉紅地毯呀
kelly 發表於 2014-2-15 22:41:42 |顯示全部樓層
同同 發表於 2014-2-15 22:16
明白,多謝指教!
咁係咪要等佢大d先換泥?但我又怕遲d,d根會好難同水苔分開! ...

只須一年換一次水苔/泥,至於換泥方法,在一樓已說明
同同 發表於 2014-2-15 22:16:23 |顯示全部樓層
明白,多謝指教!
咁係咪要等佢大d先換泥?但我又怕遲d,d根會好難同水苔分開!
同同 發表於 2014-2-11 15:32:31 |顯示全部樓層
星期日去花虛巡, 見倒一棵粉紅喜蔭小苗, 忍唔住買左返去! 得2塊葉仔用水苔種住, 店員話已經有根, 我想問如果有小小根, 係咪就可以比肥佢? 幾耐施1次肥?

點評

未遲。我的是每次澆水都下比av濃一倍的肥,即500ml, 5-6滴液肥  發表於 2014-2-15 17:32
呢排天氣嚴寒,對於怕凍的喜蔭實在難捱,建議不用心急下肥,現在虛不受補呢~只要保持濕度,盡量放在最暖的地方度冬。等到天氣暖和,才下肥也...  發表於 2014-2-15 17:29
同同 發表於 2014-1-28 07:52:07 |顯示全部樓層
多謝教導
miffymama 發表於 2014-1-25 18:07:34 來自手機 |顯示全部樓層
多謝Kelly無私的分享
kelly 發表於 2014-1-25 17:19:28 |顯示全部樓層
同同 發表於 2014-1-25 12:12
咁可能天氣太凍或太大風啦! 咁我就放心啦!
謝謝KELLY 賜教!
但我的走莖浸水D葉都冇挺起都係正常嗎? 浸水唔 ...

未試過水種(除咗黃金葛>.<),水種是可以,但不建議,無須入溫室(水氣會被葉底小孔吸到)除非濕度太低,要注意勤換水,滴一小滴洗潔精或漂白水入水中,可以避免死水滋生細菌,不過唔會生得靚,好難開花。喜蔭較愛肥,水供應的養份不夠,而且施肥(出根後)較難掌握。
lameric 發表於 2014-1-25 12:30:22 |顯示全部樓層
好感謝Kelly大,呢啲經驗之談真係無價!有錢都買唔倒!多謝晒!!

點評

伍代兄客氣了^^  發表於 2014-1-25 16:57
同同 發表於 2014-1-25 12:12:39 |顯示全部樓層
咁可能天氣太凍或太大風啦! 咁我就放心啦!
謝謝KELLY 賜教!
但我的走莖浸水D葉都冇挺起都係正常嗎? 浸水唔駛入溫室?
kelly 發表於 2014-1-25 11:08:50 |顯示全部樓層
同同 發表於 2014-1-24 17:22
Kelly大大, 我是新手, 最近同花友換左一盆PINK PANTHER, 當晚取花時見佢仲好地地, 食完飯返到屋企就見佢D葉 ...

Ep. Pink Panther 並非粉紅喜蔭~
首先葉片突然變軟的原因是?除了爛根,冇水,太凍?太大風?濕度太低?
母株切根入泥入溫室,在未長出根時葉片軟是正常的,只要不爛葉,注意相對濕度,唔好凍親,兩三週時間待根長出葉片就會挻起,從溫室出來

放心,呢隻很粗生的
同同 發表於 2014-1-24 17:22:50 |顯示全部樓層
Kelly大大, 我是新手, 最近同花友換左一盆PINK PANTHER, 當晚取花時見佢仲好地地, 食完飯返到屋企就見佢D葉軟晒, 到第二朝睇佢都冇變, 諗住可能要加水, 就比左D水佢, 到夜晚返屋企仲係冇起色. 就問花友, 佢教我要CUT根浸水重新種過. 咁我CUT左D走莖用水浸, 有D葉片用泥種, 母株都係種落泥度, 用泥種就有用溫室, 水浸就冇用溫室, 全部放係窗邊種. 但已2日D葉都冇起色, 都係軟the the, 點算?
請賜教!
puni3577 發表於 2013-11-18 21:42:25 |顯示全部樓層
kelly 發表於 2013-11-18 21:31
不會的。缸底並無積水,水份都滲透在植料中。若擔心可以鋪上一層1-2吋的7號珠石作儲水地方,多餘的水份被 ...

我覺得放珠石墊底是必要的,濕氣對流有起好大作用。
kelly 發表於 2013-11-18 21:31:26 |顯示全部樓層
littleant 發表於 2013-11-18 15:09
玻璃缸底部不像一花盆有孔去水,積水不會臭嗎?請指教。

不會的。缸底並無積水,水份都滲透在植料中。若擔心可以鋪上一層1-2吋的7號珠石作儲水地方,多餘的水份被珠石儲起,再慢慢被漸乾的植料吸收 除非你用洗米水或米田共做肥淋花 一般的花學肥,什至魚肥都冇問題,唔會臭臭

點評

咁即是要濕得嚟又唔可以有積水!  發表於 2013-11-18 22:16
我個咸蛋缸都有放,不過相片顯示唔到。  發表於 2013-11-18 21:43
123下一頁
您需要登錄後才可以回帖 登錄 | 註冊

本版積分規則

資深花友
  • 250

    主題

  • 2700

    貼文

  • 13

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.