本帖最後由 lisayip 於 2013-1-14 15:55 編輯

引言:
近期越來越多人繁殖蚯蚓作分解廚餘,
亦有好多朋友向我查詢飼養及繁殖方法,
有見及此, 我決定花點時間寫下教學...
這教學是經我多年自家室內繁殖蚯蚓的經驗結集所得,
適合香港氣候在室內環境繁殖, 無臭無蚊蠅,
養定後蚯蚓數目一個月增加一倍, 直到箱子飽和為止,

注: 以下方法並非唯一飼養/繁殖蚯蚓的方法, 網上也有大量教學用其他方法繁殖, 一樣成功

事前準備物資:
1. 一個大塑膠箱 (在日本城買一個裝衣物的大膠箱即可)
2. 椰泥
3. 太平二號紅蚯蚓



開箱:
1. 在大膠箱底下鑽幾個小孔, 以免箱底積水, 小孔不用太多, 也不用太大, 否則蚯蚓會從小孔爬出來,
2. 如膠箱有蓋, 請在蓋上也鑽十個小孔透氣,
3. 浸濕椰泥, 等半小時充分發漲
4. 把蚯蚓和椰泥推入大膠箱, (每一包椰泥加 500g 蚯蚓)
注: 椰泥的深度最少 15cm, 如果泥太少, 請用一個較細的箱或多買兩包椰泥
5. 蚯蚓在剛剛轉換了環境後會逃跑, 緣箱子邊緣爬上及箱底小孔走出, 所以要加倍留心, 養定後便不會再跑





  
飼養環境:
1. 蚯蚓喜歡陰暗潮濕, 怕光, 遇光會鑽入泥中, 不可曝晒, 更不可乾燥,
2. 如果箱子沒蓋, 蒸發量大, 可定期用噴壺在表面噴水, 以保濕度
3. 箱底不可積水, 積水會浸死蚯蚓, 以及發出惡臭, 所以箱底一定要開窿, 噴水後水份可在底窿自然流出



餵食:
1. 用一切家居廚餘去餵蚯蚓, 如水果皮, 蘋果芯, 蔬菜的根, 莖部, 摘下的菜葉,  (千變萬化, 廢物利用, 不能盡錄)
2. 所有食物一定要埋入泥下, 不可曝露出空氣, 否則會惹果蠅, 蟑螂, 螞蟻及蚊滋
3. 埋入泥下的食物在 2-3 日內會變黑腐敗, 之後蚯蚓便開始進食, 一般 7-10 日後便會完全被消化, 變成一堆黑色的蚯蚓糞
4. 蚯蚓吃一切經過腐敗後的植物, 不可餵奶品肉類, 不可餵油盬份高的食物, 不可餵辛辣酸性及刺激性的食物.
5. 蚯蚓食量驚人, 兩天可吃下跟自身重量一樣的食物, 即是 100g 蚯蚓每天可餵 50g 食物
6. 蚯蚓捱餓能力驚人, 一兩星期不餵也不會大量死亡, 但必須定期噴水保持濕潤


繁殖:
1. 太平二號蚯蚓平均 2-3 星期便由卵囊孵出, 4-6 星期便成體,
2. 雌雄同體, 異體受精, 交配後每隔 1- 2 天便產一次卵, 每個卵囊平均生出 3-6 條小蚯蚓
3. 每條成體蚯蚓理論上每個月可繁殖 ~100 條小蚯蚓, 但實際上由於空間和食物上的限制, 每個月的數目大約只增加一兩倍.
4. 蚯蚓的繁殖率只限制於食物, 空間和飼養密度, 當箱子中的密度太高, 數目便會增加得很慢.
5. 如要大量繁殖, 最有效的方法是一開始便用一個巨大膠箱, 提供充裕的空間, 更重要的是每天餵食.
6. 頸上有斑的是成體, 頸上無斑的是幼體,





箭咀指示蚓卵的位置

FAQ:
1. 太平二號跟公園掘出來的蚯蚓有甚麼分別?
太平二號紅蚯蚓與公園掘出來的蚯蚓是不同品種, 是國內專門培育出來大量繁殖及分解廚餘用的,
公園的蚯蚓有以下特點:
a. 是深層蚯蚓, 喜歡 30cm 以下深的泥中生活, 而太平二號是表層蚯蚓, 可在最表層的泥中活動
b. 喜歡在混有砂石的泥中活動, 而太平二號不需要砂石, 可在 100% 有基物的泥中繁殖
c. 需要進食完全腐爛分解後的食物, 而太平二號可進食半腐爛的食物,
d. 成長期極長, 繁殖極慢
由於以上原因, 沒有人會繁殖公園捉回來的蚯蚓

2. 可否不用椰泥, 而用種花的泥土?
種花的泥土混有砂石肥料, 不宜用來養蚯蚓
唯一可考慮的是沒有加入人工肥料腐植土
其實報紙或紙皮也可用來作底材, 報紙上的彩色油墨或許會含有毒物質, 我絕對不建議

3. 養蚯蚓有沒有臭味?
飼養正確的話完全沒有臭味

4. 蚯蚓箱泥表面有好多白色一點點的虫仔, 行動極緩慢, 如何清理?
那些是螨, 當餵食太多, 營養過盛時便會出現, 對蚯蚓無害, 不理也可
如果真係太噁心, 可以把表面的泥土移去 (螨喜歡聚居在泥表), 減少其數量,
之後持續一兩個月減少餵食份量便可有效抑制,

5. 蚯蚓箱惹來好多果蠅蚊滋, 如何處理?
果蠅滋生的原因是食物曝露出空氣中,
只要泥土夠深, 加上嚴格遵守食物不可露出空氣的原則, 果蠅好快會消失...

6. 要不要定期換泥/加泥?
不要, 開箱時用的椰泥, 在兩三個月後會慢慢分解, 之後變成蚯蚓的食物, 最終成為蚯蚓糞
由於蚓糞是由植物腐化後再經蚯蚓消化而成, 所有可被吸收的養份已經被利用, 保水力強而不會發霉,
是種花的上佳肥料, 亦是最好的蚯蚓底材,
如果太多蚯糞(泥)的話可以移除一些用來種花..

注:
這教學是經我多年自家室內繁殖蚯蚓的經驗結集所得, 不是甚麼學術性的文章,
也並非唯一飼養/繁殖蚯蚓的方法, 網上也有大量教學用其他方法繁殖, 一樣成功
如要轉載, 請保持原文的圓整性, 及標明出處:
香港龜友論壇 http://www.hkturtle.org

發表於 2013-1-12 20:48:11 | 顯示全部樓層
2#
小弟想問..

若果用太平2號..
分解左出黎O既蚯蚓糞..
點對同D 卵分番開呢??

因為種落田度... 會唔會對本土蚯蚓做成競爭??
發表於 2013-1-13 01:49:13 來自手機 | 顯示全部樓層
3#
又再請教一吓… 點知佢地廚餘食成點呢… 應否每日撥開泥土查看一吓? 因為放入嘅食物可能要幾日先腐敗,每日check都無咩動靜,實在唔知是否正常…

暫時觀察到照方法做後,蚯蚓比前活潑,見光逃走快咗

打開方虫網後間有小蠅飛出,但撥開泥土不見異樣

之前啲廚餘我放泥面,見到有蚓糞排出(我估係)

因為我揾唔到椰泥, 底床用了科學泥+紙皮+粟米衣+唐泥 … 啲蚯蚓會否吃紙皮唐泥沒吃廚餘呢… 希望果一兩隻小飛飛沒放下有小蠅幼蟲在繁殖… 暫時跡象不大但有點憂慮

另外廚餘吽得耐會酸化(餿咗)  同分解出酒精,兩者對蚯蚓都係危險的,如果聞唔到便ok?  尚幸冬天應該無咁易出現呢啲問題… 如果係西邪屋沒露台,夏天要放在冷氣房嗎? 謝謝指教。
 樓主| 發表於 2013-1-14 08:47:48 | 顯示全部樓層
4#
豆腐仔 發表於 2013-1-12 20:48
小弟想問..

若果用太平2號..

蚯蚓只在剛腐爛的食物上產卵,
不會在沒有食物的蚯蚓糞上產,
如果你投放食物時有規律,
不把舊糞和食物混合, 基本上糞中不會有卵...

另外, 紅蚯蚓只在有機物上大量繁殖,
泥土含有大量沙石, 有機物相對較少,
完全不合適紅蚯蚓生活,
我好質疑紅蚯蚓是否能在泥土長期生存,
更不用說大量繁殖和威脅其他物種...

點評

用太平二號的好處是,佢食一份,柯番半份等量屎屎俾你  發表於 2013-7-9 11:13
 樓主| 發表於 2013-1-14 09:06:33 | 顯示全部樓層
5#
poco 發表於 2013-1-13 01:49
又再請教一吓… 點知佢地廚餘食成點呢… 應否每日撥開泥土查看一吓? 因為放入嘅食物可能要幾日先腐敗,每 ...

又再請教一吓… 點知佢地廚餘食成點呢… 應否每日撥開泥土查看一吓? 因為放入嘅食物可能要幾日先腐敗,每日check都無咩動靜,實在唔知是否正常…
不應, 因為食物要埋入泥中, 才不會有果蠅,
如果每日攪動泥土, 只會令食物與表泥混合, 滋生果蠅...
另外, 如要食物分解一定要有足夠濕度, 如濕度不夠的話好難腐化,
看看西藏的古屍幾千年都不化, 又看看芒果干, 陳皮, 蝦米等, 擺十年八年都不化便是此道理...
想化得快, 可在食物上噴少少水再埋入泥中...


暫時觀察到照方法做後,蚯蚓比前活潑,見光逃走快咗

打開方虫網後間有小蠅飛出,但撥開泥土不見異樣
蠅只在土表的食物上繁殖, 如果把食物埋入泥中, 跟本不會有果蠅, 更不用防虫網...

之前啲廚餘我放泥面,見到有蚓糞排出(我估係)
不要把食物放在泥面, 此舉只會滋惹果蠅和其他昆蟲, 百害而無一利

因為我揾唔到椰泥, 底床用了科學泥+紙皮+粟米衣+唐泥 … 啲蚯蚓會否吃紙皮唐泥沒吃廚餘呢… 希望果一兩隻小飛飛沒放下有小蠅幼蟲在繁殖… 暫時跡象不大但有點憂慮
塘泥不是有機物, 蚯蚓不會食,
紙皮腐敗分解後蚯蚓的確會進食的, 前題是紙皮要被水浸濕後才可以分解,
還有需時比較長, 根據經驗要三個月左右, 紙皮才完全消失...


另外廚餘吽得耐會酸化(餿咗)  同分解出酒精,兩者對蚯蚓都係危險的,如果聞唔到便ok?  尚幸冬天應該無咁易出現呢啲問題… 如果係西邪屋沒露台,夏天要放在冷氣房嗎? 謝謝指教
如果根據我的方法去做, 食物是進行"有氧"分解,
不會酸化更不會有酒精...
如果你要在"無氧"之下分解食物, 你根本不可用蚯蚓, 因為蚯蚓不能在無氧環境下生存...
夏天只要放在陰暗的地方, 不要暴晒便無問題...
發表於 2013-1-15 22:31:59 | 顯示全部樓層
6#
感謝回覆! 其實買唔到椰泥好難做到大面積哋有 15cm 泥土, 所以我估我主要問題由此而來.. 早期泥層只 7cm 厚, 後尾加更多紙皮溏泥粟米衣到近15cm, 但泥土都在底層且通氣不及椰泥好.  廚餘在內有一點點腐敗的感覺, 而不像是100%腐化.  九龍市區的莫講話惠康, 連花墟搵賓賓同s記都無... 唯獨見yahoo拍賣有, 似乎要去長沙灣約交.

於是今天將整個蚓床兜勻一次, 配合粟米衣紙皮等支撐素材, 通氣感覺上好多了, 最開心係見底層內蚯蚓增加不少, 看似真可以一星期倍數一次.

最後一個問題:
"餵食3. 埋入泥下的食物在 2-3 日內會變黑腐敗, 之後蚯蚓便開始進食, 一般 7-10 日後便會完全被消化, 變成一堆黑色的蚯蚓糞"

食物埋入泥下時應先與泥土混合嗎? 混合比例約1:1妥當嗎? 或是2份泥土1份廚餘更好.. 視乎廚餘種類?
發表於 2013-1-15 22:42:34 | 顯示全部樓層
7#
本帖最後由 poco 於 2013-1-15 22:45 編輯

加入養了一個月的蚓床近照供參考指正

兜勻後的蚓床 (膠網底方便整頓, 蚓床底材不太足夠, 少量廚餘暴露了.. 綠色的是粟米衣)
開了閃燈, 其實不是很濕的
PAC-1.jpg

蚓屋 (蚓床上有雞蛋紙皮, 普通紙皮作濕度調整, 戴手套操作真是不二之選啊 )
PAC-2.jpg

心理需要的蟲網 (洗衫袋)
PAC-3.jpg

收藏環境
PAC-4.jpg

點評

建議將蚯引培養土分左右兩份,每次加廚餘在一(bin),咁d 虫虫食完野會去干淨個bin 柯同生蛋,到有廚餘那bin 食完,咁你在干淨那bin 加廚餘  發表於 2013-7-9 11:09
 樓主| 發表於 2013-1-16 08:58:19 | 顯示全部樓層
8#
poco 發表於 2013-1-15 22:42
加入養了一個月的蚓床近照供參考指正  

兜勻後的蚓床 (膠網底方便整頓, 蚓床底材不太足夠, 少 ...

你 D 菜葉露晒出面, 所以會有果蠅...
應該完全覆蓋... 我只可以講你完全錯晒...
今晚影相你睇正確的飼養箱...
食物只需埋入泥中, 不用混合, 甚麼都不用, 埋入去便好...

椰磚在繽紛長期有售, 其他園藝店亦好易搵... 你叫人攞椰磚比你便 OK!!!
浸水便成椰泥...
$25 一塊, 浸水後可以發大 4-5 倍...
 樓主| 發表於 2013-1-16 11:11:16 | 顯示全部樓層
9#
其實我唔洗影相..
你睇下頂樓我個蚯蚓箱, 表面一條菜都無, 只有泥...
呢 D 才是正確飼養方式...
發表於 2013-1-16 20:19:32 來自手機 | 顯示全部樓層
10#
繽紛我問過店員話無 佢哋有好多間,會唔會只一間有呢?
 樓主| 發表於 2013-1-16 23:32:40 | 顯示全部樓層
11#
poco 發表於 2013-1-16 20:19
繽紛我問過店員話無  佢哋有好多間,會唔會只一間有呢?

賣園藝用品, 有兩層果間有,在地下果一層

好難想像你去其他無果 D 店佢地 D 職員5指返你去正確果一間。。。
發表於 2013-3-1 03:17:57 | 顯示全部樓層
12#
話咁快又兩個月.. 分享一吓感想..

搵到椰磚了, 但而家仍未有適合空間upgrade做大膠箱, 所以一路都有其他房客.  

可能適逢春天, 蚓盒內的卵一月開始非常的多, 二月中開始見幼蟲亦孵化咗唔少, 今日睇"中童"都有d長成了.  反而成蟲好似少咗...... 有d怕餓親佢哋, 但又怕餵得多出面其他房客.

之前嘅問題, 主要係太早餵太多, 出咗唔少白螨, 掉咗面層紙皮後有改善, 但因為好多蚓卵唔想掉太多... 再之後有甲螨, 初初望落似紅蜘蛛嚇驚, 好彩再搵料發現應該唔係 (google site:花花世界 , the mite lab),

再然之後, 再發現苦楝油對蚯蚓無害, 自製苦楝噴霧後螨嘅問題大大改善, 而家基本唔見有螨了, 亦可以蚓盒附近撒點滑石粉, 可減底螨四處爬嘅機會, 五金鋪幾蚊買到.

一路下來看了不少中英網頁資料, 感覺上養的不是蚯蚓, 比較像是養泥土.... 所以要完全無其他房客應該係好難的, 尤其而家蚓床只12~15cm... 蚓糞的確十分肥沃, 縱使無光線, 埋入的蘿蔔頭等等.. 總是頑強的生長, "都唔化嘅"..

每星期餵食+查看進度一兩次, 都相當有趣..  要判斷餵食量是否適合, 大概係睇之前嘅食物狀況點吧..? 如仍在的便未能食用, 睇腐化成點再等等, 消失了便食完. 每次仍看到的, 多是食得較慢的生廚餘如菜頭瓜皮橙皮蕉皮紙皮等..

養了兩個多月, 蚯蚓算是落戶了吧, 合胃口的會很快消失.  早前埋了一星期還在七彩腐化的一堆, 再過兩天合胃口便全不見了 .. 換大膠箱前, 如能更好掌握蚯蚓是餓或是食物足夠或太多, 就更好了.  
發表於 2013-6-28 18:26:57 | 顯示全部樓層
13#
我想問如果要換蚯蚓箱,點羅D蚯1出來?

點評

將佢地倒在疏眼鐵絲綱上,個網離地幾吋,在室內就在上面用一百火燈照著,虫虫怕光,會向下逃,咁何下面收集虫虫  發表於 2013-7-9 11:03
發表於 2013-6-28 21:14:09 | 顯示全部樓層
14#
There are many film clips in youtube about DIY worm compost bin.
  https://www.youtube.com/watch?v=exdXKk3iBPY
  https://www.youtube.com/watch?v=JHE5hyIyNqk

The best clips that I find about raising earthworm and harvesting of the worms are 7 referred below. You may start from the beginning.
   https://www.youtube.com/watch?v= ... =PLE419F6933240FDBF

For those who want to buy coconut coir, red wrigglers (大平2号、3号蚯蚓种苗), worm factory, and other related products, you may look for them in Taoboa.com.
  http://shop100918597.taobao.com/ ... 3%D0%BB%FA%B7%CA#bd
  http://s.taobao.com/search?q=%F2 ... e_id=itemz_20130628
  http://item.taobao.com/item.htm? ... &id=10019582379


發表於 2013-6-28 21:21:06 | 顯示全部樓層
15#
grand 發表於 2013-6-28 18:26
我想問如果要換蚯蚓箱,點羅D蚯1出來?

You may check all the 7 episodes about raising and harvesting red wrigglers in the following youtubes.
  
  https://www.youtube.com/watch?v= ... =PLE419F6933240FDBF
發表於 2013-7-30 07:27:50 來自手機 | 顯示全部樓層
16#
睇咗好耐,想問一吓,用發泡膠箱也許合用啊!:-D
    您需要登錄後才可以回帖 登錄 | 註冊

    本版積分規則

    聯絡園藝館|手機版|Archiver|HKplants

    香港園藝館   © 2017