香港園藝館

標題: (新手必看)風信子的養護方法 [打印本頁]

作者: JenniferC    時間: 2008-1-20 15:08
標題: (新手必看)風信子的養護方法
本帖最後由 KUNO 於 2009-1-22 01:04 編輯

(我好懶的,所以將以前貼過的及回覆貼的增刪整理一下就放上來了。)

由種球(球根)種起的風信子,首先要選健康肥球,買時已見有霉的、球有損傷撞凹撞爆的就別買了,栽種前以多菌靈/百菌清先浸泡消毒球根半小時,這些消毒藥粉在花墟會找得到,浸泡後將種球風乾後栽種,栽種的盆土最好用已消毒的新土,用較疏水偏鹼性的土為佳,以磷鉀作基肥,因為風信子的根部發達,根在地栽時可長至深60cm或以上,所以盆栽的話盡量選大而深的盆以土培栽種,留起碼30cm給種球長根,種球深埋覆土5cm,放在通風的地方養植。
普通沒冷藏處理的種球10-11月栽種或不出土的冬天長根(6-15度),明年2月左右會出芽開花;而冷藏處理過(冷藏5度50日)的在15度左右催花60天左右就開花的了。
種下後切忌弄斷根部 (根部斷那條,那條就會枯掉的,而開始長高葉片甚至花莖的時候,根部已近乎停止生長的了),澆水時小心別讓葉心及盆土積水免得種球腐爛,花前以磷肥及少量氮肥為主,花期時不施肥,花後重點是磷鉀肥,15度以上時可以一星期施肥兩次。
因為風信子是以鱗莖的養份生長的植物,花莖的養份只吸不供,花枯了後剪去花莖(不要剪得太盡)留下葉片,這就是養球的時期,球在花枯時看起來會明顯變細了,不過之後會開始成長慢慢肥漲起來的,盡量延長花後至葉子枯黃的養球時間,令種球盡量長大儲夠足夠養份,25度以上時(天熱時)就要放到較涼的地方,在葉片枯黃(約6月左右)就延長澆水間隔開始漸進式至完全斷水,葉片枯乾後將球掘出來,這時根亦近乎枯乾的了,清理乾淨枯葉和根,以多菌靈/百菌清浸泡消毒球根半小時後,切底風乾球根,用報紙之類的包好放在陰涼乾爽的地方儲存,待年尾再種。
養球時間充足,消毒夠嚴,收藏得好的話,可以維持種3-4年開花的,不過因為養球始終不能像原產地般養得那麼肥及球根退化的問題,花是會一年比一年細、少及疏的,不過同時在這3-4年會得到小子球就是了。
- - - - - - - - - - - - - - - -
一些要留意的地方:
上面說沒冷藏處理及不出土而仍然會有花芽的,是在說栽種環境本身有個5-6度或以下冬季的地區,香港栽種的要用冷藏處理,因為風信子是要在那50日5度的冷藏處理中分化花芽的。
種球上盆可以像街外見的方法,就那樣將種球放在盆土面上輕輕按下小小就可以了,如打算養球的話,以土栽的為佳,並不建議各位在種球開始長根中及長根後換盆,除非有不弄斷根部的把握。
因為香港怎麼個凍法,都沒有原產地的溫度,溫度較暖好多時導致風信子開花時花莖生長得不夠高,在矮矮的一兩吋就夾箭開花,不能賞花之外好多時還會撐爆種球,所以建議在上盆後不給它見光,要放在陰涼通風的地方,溫暖會催它開花,不通風會令種球容易發霉發爛及滋生蚊蟲,等待它長高至10cm左右再慢慢給它見光至全日光(不是暴晒啊~),這時大家會留意到葉中藏著的花苞在10cm高時都未變色漲大的(隱約的變少少色不要緊啦~)。

仲有,若果只是一次性觀花的,盆的大小就別理了,反正開完花就丟掉的,不過同樣要留意夾箭的問題。

還有沒有講漏的?若有什麼要補充的(這要給我些做功課的時間)要通知我啊~
若果發現上面有錯的務必要通知我改啊。

[ 本帖最後由 JenniferC 於 2008-1-20 21:19 編輯 ]
作者: KUNO    時間: 2008-1-20 15:42
新手必讀!
作者: Tony    時間: 2008-1-21 19:53
好正,好有用呀
作者: marrynut    時間: 2008-1-21 20:52
每年過年都會買風信子回家,花店老闆話開完花可以留待下一年再種,卻没說要冷藏!原來有這麼講究的學問~!
作者: 花貓貓    時間: 2008-1-21 23:02
謝謝 JenniferC 的悉心講解 "風信子的養護方法"
作者: 蛀米虫    時間: 2008-1-24 13:51
若然已經底部發毛, 仲有沒得球呀!
作者: JenniferC    時間: 2008-1-24 16:12
原帖由 蛀米虫 於 2008-1-24 13:51 發表
若然已經底部發毛, 仲有沒得球呀!


咁就要睇下發到幾霉了。
一樓文中有提及:以多菌靈/百菌清浸泡消毒球根半小時後,切底風乾球根後收藏
這個步驟就是消毒殺菌的,浸前可以牙刷刷去那些霉稍微洗一洗再浸,浸完再輕輕刷一刷,浸完一定要記得要切底風乾,好好收藏在陰涼乾爽的地方

發霉到爛的話……你就看著辦吧…

[ 本帖最後由 JenniferC 於 2008-1-24 16:16 編輯 ]
作者: 蛀米虫    時間: 2008-1-26 22:08
但是他們已經發芽了, 再浸有沒有問題呢??
作者: JenniferC    時間: 2008-1-27 01:08
原帖由 蛀米虫 於 2008-1-26 22:08 發表
但是他們已經發芽了, 再浸有沒有問題呢??


要浸也是養完球的事兒了。

你的是水栽還是土栽的?
或者你可以用百菌清開水澆灌一下盆土,記緊養植環境要通風,因為那些霉好多時是因有水氣而唔通風才出來的。
作者: seed    時間: 2008-1-27 09:38
謝謝JenniferC寳貴的一課
睇完終於對養球有個較完整的畫面
之前都散修修一舊雲
知要落肥却不知在哪階段落
現在明白多了
作者: 蛀米虫    時間: 2008-1-27 16:49
原帖由 JenniferC 於 2008-1-27 01:08 發表


要浸也是養完球的事兒了。

你的是水栽還是土栽的?
或者你可以用百菌清開水澆灌一下盆土,記緊養植環境要通風,因為那些霉好多時是因有水氣而唔通風才出來的。 ...


是水種, 3粒有2粒發左毛毛, 有一粒已放回泥中, 可能office星期六日較熱, 生長很慢.
反而水種的2粒已有2條葉(唔知係咪甘稱呼佢地), 1粒底部有毛毛和黑色.
其實可否切左d黑色和毛毛部分??

[ 本帖最後由 蛀米虫 於 2008-1-27 16:50 編輯 ]
作者: JenniferC    時間: 2008-1-27 23:16
原帖由 蛀米虫 於 2008-1-27 16:49 發表


是水種, 3粒有2粒發左毛毛, 有一粒已放回泥中, 可能office星期六日較熱, 生長很慢.
反而水種的2粒已有2條葉(唔知係咪甘稱呼佢地), 1粒底部有毛毛和黑色.
其實可否切左d黑色和毛毛部分?? ...


不可,因為風信子是先發根,發完根再長葉及長長花莖,你現在的己經在出葉,根盤唔出新根的了,你用水栽的根本身就不多,若果你切那些根,就買少見少的了,這樣會影響花後養球的。

若果你本身有百菌清,你可以嘗試落些少入水稍微殺殺菌,因為百菌清本身是農用的,我想這樣落少少應該冇問題,而且水栽要定期換部份水的嘛~,今次落左,下次及之後正常換水就會慢慢溝淡至冇,不過成效我不能肯定…sorry...
作者: 蛀米虫    時間: 2008-1-28 09:58
真是唔該晒就真啊!  我試試看吧!  
始終唔想白白浪費個球, 試試如果可以生我話就好了.
作者: cestbaga    時間: 2008-1-28 10:40
標題: 有問題想問
我買回來的風信子球根先雪球,種之後都係放响陰暗通風處,但最後只有葉長花莖不長, 到最後花莖都係唔高, 响葉中開花.... =_=
請問點解會咁? @o@

我覺得花莖高度真係好難掌握,下年還是買已出花莖嘅風信子好了.....

[ 本帖最後由 cestbaga 於 2008-1-28 10:42 編輯 ]
作者: JenniferC    時間: 2008-1-30 13:30
原帖由 cestbaga 於 2008-1-28 10:40 發表
我買回來的風信子球根先雪球,種之後都係放响陰暗通風處,但最後只有葉長花莖不長, 到最後花莖都係唔高, 响葉中開花.... =_=
請問點解會咁? @o@

我覺得花莖高度真係好難掌握,下年還是買已出花莖嘅風信子好了..... ...


我想問問,你"葉長花莖不長"的情況是否像下貼一樓照片中的類似?
http://hkplants.com/viewthread.p ... 26amp%3Btypeid%3D17
我猜想你的風信子與照片不同的是 - 你的花苞在照片中的高度時已經轉了色的…

若果是我猜想的情況,你當時的風信子所放置的位置可能較溫暖,令它等不及花莖長高就花苞轉色開花。
作者: tigger    時間: 2008-2-23 13:07
JenniferC,
多謝你既風信子養護方法,寫得好清楚呀!!
我新年前都買左3 棵風信子,又想試下保存球根,你上文好informative,我會試試!
不過其中一棵買回來時就已經冇乜根...都過都冇辦法...照試..
作者: beebee    時間: 2008-2-29 19:24
今年第一次買,希望可以一試,挑戰自己。
作者: NaNa    時間: 2008-3-13 23:06
I just bought風信子球 from thailand, is it the appropiate time plant it? or I can wait until the end of the year? Shall I need to put it into the fridge?
作者: JenniferC    時間: 2008-3-14 09:54
原帖由 NaNa 於 2008-3-13 23:06 發表
I just bought風信子球 from thailand, is it the appropiate time plant it? or I can wait until the end of the year? Shall I need to put it into the fridge?


(哈…哈…
見到用英文問,禮貌上來說應用英文答…,不過我英文唔太好,怕我d英文出問題,所以用返中文答你,抱歉啦~ )

無論種球冷凍處理了沒,現在也不是風信子上盆的時候,是遲了些少,就算種球冷凍處理好,現在上盆起計差不多5月中才開花,而且現在天氣開始回暖,除非你打算放在冷氣房長開冷氣養著,否則建議你別現在種了,現在上盆常溫下夾箭的機會較高,年尾才種較好。

收藏方面,你先將種球用多菌靈/百菌清之類的農用消毒劑先進行浸泡消毒半小時後切底晾乾(別用家用消毒劑,沒有用的),再用報紙之類的將種球包好放在陰涼乾爽的地方即可,到年尾再冷凍處理後上盆。

[ 本帖最後由 JenniferC 於 2008-3-14 09:56 編輯 ]
作者: hodoyoudo    時間: 2008-3-18 15:46
救命呀.
我棵風信子快要倒凜, 救命.
買了一棵開了花的風信子, 當時好直, 幾天後開始斜, 原來另外一棵要生出來, 原先果棵斜都訓係度. 而家我要點做, 係咪要CUT斷棵舊, 但仲好壯健喎.
作者: JenniferC    時間: 2008-3-19 00:20
原帖由 hodoyoudo 於 2008-3-18 15:46 發表
救命呀.
我棵風信子快要倒凜, 救命.
買了一棵開了花的風信子, 當時好直, 幾天後開始斜, 原來另外一棵要生出來, 原先果棵斜都訓係度. 而家我要點做, 係咪要CUT斷棵舊, 但仲好壯健喎. ...


你說的是花莖斜了?支花未枯就睇多陣先剪啦,花枯了才剪花莖(不剪葉),等d養份分比另一支花莖開花。
而你說就要倒了,唯有找些木筷子/蘭花鐵之類的支撐一下好了。
作者: hodoyoudo    時間: 2008-3-19 17:40
原帖由 JenniferC 於 2008-3-19 00:20 發表


你說的是花莖斜了?支花未枯就睇多陣先剪啦,花枯了才剪花莖(不剪葉),等d養份分比另一支花莖開花。
而你說就要倒了,唯有找些木筷子/蘭花鐵之類的支撐一下好了。 ...


hi 我係新仔, 所以好擔心.
多謝你的回覆, 我已經將它挨住塊牆, 等佢唔好訓低.
請問跟住落黎, 係咪等佢枯萎然後剪斷支花莖? 咁剪幾深呢?
同埋請問會唔會阻住支新既花莖生長呢?

唔好意思, 咁多野問.

p.s. d風信子好香呀
作者: JenniferC    時間: 2008-3-19 19:35
剩2吋花莖左右吧,這樣較易落剪,花莖會漸漸枯乾的了,阻唔住的。
作者: hodoyoudo    時間: 2008-3-20 19:12
原帖由 JenniferC 於 2008-3-19 19:35 發表
剩2吋花莖左右吧,這樣較易落剪,花莖會漸漸枯乾的了,阻唔住的。


收到, thanks.
作者: 呵呵笑    時間: 2008-3-23 01:09
JenniferC ,你呢個貼好有用哦。多謝你啊!我係球根新丁,想請教下:呢個方法也適用於葡萄風信子嗎?
今年嘅葡萄風信子開佐兩次花,是否唔會再開花?都可以將球放到秋天再種過?
作者: JenniferC    時間: 2008-3-23 12:24
原帖由 呵呵笑 於 2008-3-23 01:09 發表
JenniferC ,你呢個貼好有用哦。多謝你啊!我係球根新丁,想請教下:呢個方法也適用於葡萄風信子嗎?
今年嘅葡萄風信子開佐兩次花,是否唔會再開花?都可以將球放到秋天再種過? ...


葡萄風信子…你或者可以如法炮製試試,我只是比較清楚風信子退化較少,而鬱金香溫度要求較嚴退化會較大,葡萄風信子養植適溫好像大約是15-23度,太熱就開始枯葉休眠,所以個步驟同風信子應該一樣,消毒風乾收藏後,計計時間秋天冷藏5度50日,之後浸泡消毒半小時後風乾上盆,不過不同於風信子,葡萄風信子好像是大約30左右就開花的了,不過最大問題係,佢會有幾大退化就唔清楚了
(雖然花色靚花又可愛,不過我覺得要一次過種唔少先好看,所以冇種過…)

有花友路過見上面有錯的話,請通知我更改啊~
作者: goldenwah    時間: 2008-4-16 14:23
我都試過買風信子的球黎種, 知道可以水種, 所以試下, 雖然有生根 同少少葉, 不過之後個葉的部分有黃色的液體分泌出來, 而且有甜甜的氣味, 再一陣, 好似有蛆蟲, 跟住棵野就謝左lu... 點解會有咁既事發生呢? 希望大家可以解答我 ^^ thank you!
作者: JenniferC    時間: 2008-4-17 01:05
標題: (激死!!打完字才來hand機,重新打過 = =")
原帖由 goldenwah 於 2008-4-16 14:23 發表
我都試過買風信子的球黎種, 知道可以水種, 所以試下, 雖然有生根 同少少葉, 不過之後個葉的部分有黃色的液體分泌出來, 而且有甜甜的氣味, 再一陣, 好似有蛆蟲, 跟住棵野就謝左lu... 點解會有咁既事發生呢? 希望大家 ...


應該是消毒不嚴,唔通風最多爛比你睇,但若種球帶有菌同蟲卵,上盆前又冇消毒殺蟲殺菌,就中招的了。
上面我有提及過,上盆前種球要以百菌清之類的農用藥浸泡半小時消毒殺菌殺蟲,栽種用的植料最好也去消個毒,種植環境要通風…
就算是水培的水也需要定期以續少換水的,而風信子種球若果長時間悶在死水髒水裡頭就死得了,水培的也只需比風信子種球在未有根時稍微接觸水面出根,在有根時只需根入水就可以,根盤不需接觸水面的。

講起蟲,回想第一次在年宵買的風信子,以賣的人所說般開完花連葉一刀切,放雪櫃生果格雪2個月就可以再種,水種就咁放入水來種…
(依足賣花的說去養花就死得了,所以買前買後有不知道不確定的一定要上網四周查清楚就穩陣好多)
結果回想起都仍然覺得恐怖…
當時個球有出根及少許葉,生長緩慢,之後拿出來見種球滿佈不知是"巨型大肥線蟲"還是"超長蛆蟲"在爬…,馬上就拿出去打包掉出家外…
回想起都起"雞皮"…

[ 本帖最後由 JenniferC 於 2008-4-17 01:10 編輯 ]
作者: goldenwah    時間: 2008-4-17 19:44
原來是這樣... thank you! 所以我第二年都直接買土種的, 而且係已經出左少少葉的... 不過, 如果我用土種, 但又唔用消毒方法, 成功的機會高唔高? 同埋如果買球, 點樣由個球睇花的顏色? 我之前買的球係紫紅色, 出來的花是淺粉紅, 如果想種黃色 和紫藍色的, 又要點睇呢? ^^
作者: JenniferC    時間: 2008-4-17 20:44
原帖由 goldenwah 於 2008-4-17 19:44 發表
原來是這樣... thank you! 所以我第二年都直接買土種的, 而且係已經出左少少葉的... 不過, 如果我用土種, 但又唔用消毒方法, 成功的機會高唔高? 同埋如果買球, 點樣由個球睇花的顏色? 我之前買的球係紫紅色, 出來的 ...


基本上出售種球的地方有分好不同品種的,但若果你發覺同一箱的一品種種球零舍有一兩個特別唔同色…就八九成是混錯了。
而種球外邊一層係近紅的,花應該都是近紅色、
種球外邊一層係近藍的,花應該都是近藍色、
種球外邊一層係近紫的,花應該都是近紫色、
種球外邊一層係白色的,花應該都是接近白色、
種球外邊一層白得帶黃色,花可能都是帶點黃色…

買現成已上盆種球,只要放的地方通風良好,其實出問題機會唔多,若果仍然想稍微消消毒,可以跟據消毒農藥的使用份量再溝稀點澆透盆土植料,應該都有效的。

[ 本帖最後由 JenniferC 於 2008-4-17 20:46 編輯 ]
作者: goldenwah    時間: 2008-4-18 11:09
多謝你的分享^^ 希望我今年可以買到想要的顏色啦!!
作者: ahlok288    時間: 2008-7-26 12:33
我是新手一名,
最近到泰國旅行,再買了一些球根。這是風信嗎?
現在放於通風的陰暗室內風乾. 是否代10月放在雪櫃最低處, 雪它2個月, 12月再種它們嗎?
水種、深埋土5cm種、還是土面種?
Thank You!!!
PICT0010.JPG

作者: JenniferC    時間: 2008-7-28 14:37
原帖由 ahlok288 於 2008-7-26 12:33 發表
我是新手一名,
最近到泰國旅行,再買了一些球根。這是風信嗎?
現在放於通風的陰暗室內風乾. 是否代10月放在雪櫃最低處, 雪它2個月, 12月再種它們嗎?
水種、深埋土5cm種、還是土面種?
Thank You!!! ...


唔敢肯定答你,因為我見過的風信子種球都是停水起出來的,葉與根都是枯乾,不會像你照片中有綠葉留著的,而且在沒有根吸水的情況下,葉都會枯掉。

"現在放於通風的陰暗室內風乾. 是否代10月放在雪櫃最低處, 雪它2個月, 12月再種它們嗎?"<<<正確

"水種、深埋土5cm種、還是土面種?"<<<都可以。
若果只看一次花就丟掉的,可以水種又或者小盆土種。
想來年再用回種球的就用土種(用已消毒較疏水偏鹼性的新土),有地方用大深盆的(不建議換盆),深埋的可以放在陰涼的地方,見乾澆透等出根出葉,待葉長出土表就可以慢慢見見陽光。
而坐土表的要留意盡量放在不見光陰涼通風的地方,直到長至9-10cm再放出去見陽光。
風信子忌暴曬。
作者: ahlok288    時間: 2008-8-6 23:23
Thank You very much!!!!!!!!!!!
作者: elainecyy    時間: 2008-10-4 18:31
hi. 我是新手, 我剛買了根球 (藍晶靈, 洋水仙, 屈金香) 但我睇完你教我地點種後, 我仲有些問題, 1) 新買返來的根球已放入雪柜了 (未睇你個網址前, D 花舖人教我就甘用報紙包住就甘放入上雪柜) 甘樣洗唔洗拿返佢地出來消毒, 如唔消毒, 得唔得 ? 2) 如冇消毒同有消毒分別可保存幾耐 3) 種出來有沒有分別 4) 最好雪D 根球幾耐先拿出來種比較好D? 5) 當放係泥土時, 係唔係將個根球放入泥下3寸度做比較好 OR 凸出佢個頭出來好D (因為我問花舖D 人教我方法都唔同) 都唔知點好 ?
作者: JenniferC    時間: 2008-10-4 21:07
本帖最後由 JenniferC 於 2010-7-9 13:21 編輯
原帖由 elainecyy 於 2008-10-4 18:31 發表
hi. 我是新手, 我剛買了根球 (藍晶靈, 洋水仙, 屈金香) 但我睇完你教我地點種後, 我仲有些問題, 1) 新買返來的根球已放入雪柜了 (未睇你個網址前, D 花舖人教我就甘用報紙包住就甘放入上雪柜) 甘樣洗唔洗拿返佢地出 ...


關於鬱金香,處理方法是與風信子差不多,在這>>買回來的鬱金香球根應怎樣處理 ? 中亦有提及,加上這個詳細內容的連結>>:>>>郁金香的栽培管理技术應該會幫到你。
種球放了入雪櫃就由得佢雪了,等上盆前再消毒,風乾再上盆就可以了。
消毒可以清了種球沾有的菌及蟲卵(線蟲),減低爛球的風險,當然用已消毒新植料加上別積水及通風都好緊要,而採用深種方式的話,消毒不嚴是十分容易爛球的。
種球是要在切底風乾後存放在陰涼乾爽的地方,收球前消毒可以減低發霉爛掉的風險,減低了爛球風險的已消毒球相對沒消毒的來說是能保存較久。
在沒爛球及線蟲害的情況下,有沒有消毒種出來都是一樣的。

http://owngarden.blog.sohu.com/68528836.html
在以上接結得知洋水仙需冷凍處理5-8個星期,可露地栽培,亦可深埋4-5cm栽種。

另外,我不知道藍晶靈是什麼…

(版主及路過花友若見上述有錯的話,請指正啊~)

[ 本帖最後由 JenniferC 於 2008-10-4 21:40 編輯 ]
作者: KUNO    時間: 2008-10-4 23:47
他指的藍晶靈的正名應該是Muscari Grape hyacinths 葡萄風信子的混合品種.
而藍晶靈其實是店方寫錯.
可按照風信子的冷藏處理方法, 可以地植或盆植.
作者: elainecyy    時間: 2008-10-4 23:52
因我住天台, 我想問佢地晒唔晒得呀? add3icon
作者: KUNO    時間: 2008-10-4 23:58
原帖由 elainecyy 於 4/10/2008 23:52 發表
因我住天台, 我想問佢地晒唔晒得呀? add3icon

點曬都得, 不過太熱的話就最好半日照.
作者: elainecyy    時間: 2008-10-5 00:20
add11icon OH!.sorry ,我唔係好識睇簡體字,我驚我理解錯誤,  所以我仲想問一下係唔係甘. ---係唔係買返來d 根球用清水清後, 用百菌靈用水浸20-30分鐘作消毒後代乾, 用報紙放入雪柜冷藏 4-6星期, 後可放入泥度種 (可理泥5cm or 凸出佢個頭出來), 初種就後要下肥, 如開花時, 有唔好下肥。如收花期. 代花謝後就小心地把根球分開,清洗, 消毒代乾後, 放入雪柜代下一季再種 (留種) 。 add3icon .. 但我仲想問, 我見到個web site 講要清洗前最好界開個種頭睇下有冇蟲, li 度我唔係好明???
作者: elainecyy    時間: 2008-10-5 00:26
標題: 回復 37# JenniferC 的帖子
我仲想問切底風乾, 點睇佢乾透, 因為粒野都幾大粒, 我又見唔到佢入面乾左未, 因我驚我未乾透就放入雪柜呀
作者: JenniferC    時間: 2008-10-5 00:35
洋水仙那網頁所說的"切"作用為增生子球,子球若果養得成也要養3-4年才有花開的。

風乾問題,以風信子來說,葉芽及鱗莖係包實唔入水的,所以沒有擔心佢裡面未乾的情況,正常在不下雨的天氣下(空氣濕度高),風吹半日都乾了,開冷氣就乾得更快了。
作者: lillian02    時間: 2009-4-30 13:24
thx~
終於明白點種風信子啦
作者: wingyee22    時間: 2009-5-24 17:00
thx~
明白點種風信子啦
作者: gtrnismo    時間: 2009-6-3 15:50
兩個字
專業
非常有用, 請問原產地在那裡?
同埋, 可以室外種嗎?
作者: davidng    時間: 2009-7-7 13:55
風信子好靚又香!
作者: 咖_啡    時間: 2009-7-12 21:55
刚买了葡萄风信子
不知道适不适用呢?
作者: fzlqn云淡    時間: 2009-7-21 20:36
非常感谢JenniferC ,您说的好详细啊。
我今年第一次买风信子,挑战自己,是需要好好丰富丰富知识,年底再种。
作者: RubyCheng220    時間: 2010-1-3 21:42
請問如果水種, 就不能養球嗎?.?
作者: JenniferC    時間: 2010-1-21 09:48
請問如果水種, 就不能養球嗎?.?
RubyCheng220 發表於 2010-1-3 21:42


文中提到"以土栽的為佳",並非表示水種完全不能養球,只是土栽容易管理,養球首先需要大盆栽種盡量給種球發根,之後在花後養球的時間除了養份之外,亦需要一直留意的是通風,水栽種球本身已經容易發霉的了,在香港養球要盡量延長養球的時間,水栽會有不少水氣,到了花後養球天氣回暖,就更容易有爛球的問題出現,所以"以土栽的為佳"。

不過若果有地方及有合適的環境,有個會失敗的心理準備不怕白費心機,就算水栽亦不防試試,當取個經驗也不錯。
作者: alice_sang    時間: 2010-2-25 18:22
我第一次種架~
我新年在花墟買左個已上盆出葉既球回來, 放左響公司種...不過, 星期二我俾佢曬左一日太陽...佢依家d花仔高到兩寸就開左花了....都唔知係咪lee 幾日又勁凍又勁熱...早左開呢...響d 葉中間開花...係唔係就係"夾箭"呀?
作者: 綠色兔子    時間: 2010-4-29 16:10
上年的貪得意o向花展買左一盆藍色的回家,
不出一星期就全開了, 超靚!
但過不了幾天就出了很多蚊仔o向盆度爬爬爬...
嚇得我掉了它...

我可能會再買, 但可以教我有蚊仔時可以點做呢???
作者: 七弦星    時間: 2010-5-29 23:16
我之前係種水種,
但係雪係雪櫃
唔小心浸爛左個球...嗚 (呢d係咪叫欲哭無淚
到衣+仲有陰影..唔敢種球根植物...
作者: smallgiant    時間: 2010-7-17 01:28
Thanks...will try in this year.
作者: cklife    時間: 2010-10-3 11:12
感謝....之前只試過一次過既水栽法....

今天想 試試用土栽養球...你這篇真的很有用..感謝...
作者: henry-koitsi    時間: 2011-5-6 23:53
感謝 Jennifer 的分享 風信子一直是我最喜愛的球根植物
那濃郁的香味 令人難忘

作者: s56212    時間: 2011-5-30 02:58
想問下水種既球根如果轉盆種得唔得
另外子球應該點處理
要雪的話大約幾月開始雪
作者: beckycm    時間: 2011-8-24 15:26
我的风信子复花就稀稀拉拉的了。今天用这方法试试。学习了。
作者: ememhk    時間: 2011-10-2 02:08
水種的話, 要連水一起雪嗎??
說明書叫, 加水至球根底.... 5-10度黑暗環境放45日.

但係連埋個水樽雪, 有難度呀......  可唔可以淨係雪球, 6星期後先放返落樽加水?
作者: SlothKali    時間: 2012-2-19 05:19
剛買了一株風信子, 看了妳的貼文, 很實用, 萬分感激.  我打算今季種完之後留根下次再種, 從貼文得知要消毒, 請問方便多指導一下消毒詳情嗎? 另請教如何消毒泥? (栽種用的植料最好也去消個毒) 平常種其他花也要消毒泥嗎?
作者: msfion    時間: 2012-4-4 20:55
剛想學養球,真好,在這裡找到資料,謝謝~~
作者: EdenZhong    時間: 2013-3-8 14:24
請問葡萄風信子同風子的養球方法是否一樣。
作者: Hector    時間: 2013-4-5 11:45
好全面又好實用呀, 謝謝!
作者: wingwingwong    時間: 2013-4-5 15:28
Jennifer C, 我好想試下種, 去左花店問, 佢話風信子唔係一年開一次花, 可以開兩,三次, 係咪真架??


作者: JenniferC    時間: 2013-5-8 16:35
wingwingwong 發表於 2013-4-5 15:28
Jennifer C, 我好想試下種, 去左花店問, 佢話風信子唔係一年開一次花, 可以開兩,三次, 係咪真架??

...

就如我在一樓帖子中說的:-

‧風信子須要經過"冷凍"這個步驟來分化花芽(亦即是原產地落雪的冬天過度至溶雪入春天);

‧風信子是以鱗莖的養份生長的植物,而開花會消耗鱗莖大量的養份,要等待花開完剪掉花莖後才是開始養球的時期,一般除了養在衡溫的溫室,養球至近攝氏25度左右風信子就開始進入休眠,在原產地有足夠的時間養肥球根(但仍然有退化的情況),在香港養球的時間太短,球根養得不夠肥,退化情況更大,鱗莖養份少,冷凍分化出的花芽亦會小花而弱。

‧若要如花店說的,一年開兩三次花,可以,不過前題是有衡溫的溫室+嚴格的消毒+用大盆土栽養植。
作者: aquafish    時間: 2013-5-8 21:07
新手必讀!
作者: JoanneBB    時間: 2013-11-4 10:43
Jennifer C, 我尋日買咗個風信子球,
但我問店員點處理,佢話而家要落泥種,如果唔係新年冇花睇
(佢冇講話要消毒同要雪)
但有個客買咗廿粒,佢都係答佢而家可以落泥種(但佢朋友答佢要雪過先種得架!)
咁即係點?!本身店佢哋已經幫你消咗毒?!定聽佢講而家可以落泥種?!
(真係好驚好似你話會生虫...)
作者: ftsiii    時間: 2014-1-1 14:02
我家風信子養一年了, 沒有挖球冰球, 今年旁邊多了三個小朋友, 都有花箭
作者: Daisy57    時間: 2015-1-4 02:06
我今日買咗盆風信子,個盆好細個,無奈要換盆,期間斷咗啲根,唔知影響大唔大呢?
作者: felicity615    時間: 2016-1-13 17:17
我昨天買風信子今早才發現球根爆開,有冇問題架???第一次用水種.
作者: Last_one    時間: 2016-3-2 15:46
請問我這個風信子出了什麼問題
係咪換水太勤?





作者: B17    時間: 2016-3-2 16:46
就快漚出蟲啦
作者: ChanKwingYin    時間: 2016-3-8 20:29
Last_one 發表於 2016-3-2 15:46
請問我這個風信子出了什麼問題
係咪換水太勤?

浸到瀾灑,你冇見其它人點種咩??!!
作者: ChanKwingYin    時間: 2016-3-8 20:30
風信子播種未講...
作者: Adith    時間: 2017-2-10 14:02
早D睇到呢個POST 就留住新年買既風信子..開完花以為無用..做左堆肥




歡迎光臨 香港園藝館 (https://hkplants.com/) Powered by Discuz! X3.5