聖誕花, 有無人可幫到我呢 ! ? (近況報告)

我有一盆由枱頭小擺設咁大的聖誕花, 種左四年, 變到咁大, 條徑好長好幼, 又無力, 如頂部開滿花就更重啦, 今年有幾次不小心, 藏斷了幾大丫, 心都痛埋, 但長痛不如短痛, 我想修剪它, 但又不知如何入手好, 剪幾多才適合, 我想剪一半, 等它生返個型, 但剪咁多,唔知佢傷唔傷呢 ?






[ 本帖最後由 Donder 於 2008-9-27 15:03 編輯 ]

朋友, 你要係就快的, 因為佢的生長期又開始 la
弱枝全去, 強留三份一, 咁會全棵細返好多
同埋, 小心佢的汁, 有posion, 之后要洗手


同埋剪低的枝幹可以插枝, 你可以多幾十棵, 開唔開心呢
的插枝好似筷子咁長就可以架la
不過唔好有葉 (就算有佢都一定會脫的)
比佢乾半日 , 咁就可以入泥, 唔好比佢曬, 個半月到你見有芽就可以見光了

等左咁耐, 終於有人覆我, 謝謝, 我都知現在是它的生長期, 你睇下圖下, 在每朵花心生了 3 個鴉, 每個鴉 2 條徑, 共 6 條, 這便是明年的 6 個花頭, 本應打算等到週末, 如無人覆, 就靠天才剪.
我都有看過下書, 書都是這樣講, 但剪 1/3, 去弱留強,...........我棵聖誕花超過 3 尺高, 下半部全是徑, 無葉的, 它又能否光合作用, 生長呢, 如真是這樣剪, 將會新生的支條, 是在原有的舊徑上生, 或是在泥裡全新新生呢 ! ? (因我想它維持在 3, 4 尺高, ) 之前, 插支, 我已有另外 4 盆了, 夠晒啦 !    :-)

好大盆呀~
係唔係全年都可以保持紅綠兩色架?

更是不可能全年都紅綠兩色啦, 期實, 紅色的不是花,  紅色葉中間一點點黃色的小黃點, 才是花.

好早之前, 已下定決心要仔修剪它, 但到真正落手剪時, 也猶豫不決, 看準了位, 把剪已架在條支子上, 也剪不落手, 如事者, 前前後後, 到第三次常試, 才剪了第一條, 鳴......鳴...... 我喊住黎剪, 鳴......鳴.....   對唔住啊 ! 鳴....鳴........   你要快高長大呀 ! 千祈唔好死呀 ! 鳴.....鳴......否則, 我便成為千古罪人架啦, 鳴......鳴......我都是為了你好的, 玉不琢, 不成器 : 花不剪, 便不美, 圖一, 臨死時, 影返張唯照先, 鳴.....鳴........

D枝條可以用嚟插枝喎

早兩三年, 我已從母體分支插, 我現已有另外 4 盆, 也生得好好, 婷婷玉立, 不過, 這盆是最大, 最有睇頭, 不過現在就慘 D 啦.   夠晒啦, 唔再插支啦, 無晒位啦, 我把剪下大棵的, 插在花瓶內, 擺得幾耐就幾耐啦, 其他的全歸入垃圾桶啦, 鳴.....鳴.......

嘩！點解你可以種到咁壯?以可插一盆比我嗎?因為你真係種得好靚，為之心動!

Mandn, 好多謝你的讚賞, 可惜, 我們天各一方, 不能送一盆比你啦, 如日後需要什麼的種子, 還是可以寄上的.  我識得一個在元朗的朋友, 她也種得好好, 好大棵, 不過, D 花就小 D. 在生長期, 開花期, 它在夜晚一定要夠黑, 日間一定要夠光,  它要日,夜分明的, 這樣, 紅色的葉才會開得多, 大, 靚, 但香港地夜晚周圍都光燦燦, 有些朋友, 在夜晚時, 用個紙皮箱立住佢, 等佢夠黑.

原帖由 Donder 於 2008-6-14 15:43 發表
Mandn, 好多謝你的讚賞, 可惜, 我們天各一方, 不能送一盆比你啦, 如日後需要什麼的種子, 還是可以寄上的.  我識得一個在元朗的朋友, 她也種得好好, 好大棵, 不過, D 花就小 D. 在生長期, 開花期, 它在夜晚一定要夠黑 ...

我先謝謝你，不過你棵花真係好靚，恨死我啦!

你唔駛恨啦, 現在剪淨得幾條更, 生唔生得大, 都是未知之數, 嗚.....嗚.......我第一次剪架咋 !  

你睇佢幾可憐 !

八王爺, 我已把它剪成咁啦, OK啦 !  ? 還是要再剪些 ! ?

好, 剪得好, 但係呢, 有的位應剪埋佢

同埋要再短的, 要ball shape

唔係的話, 生出的枝就會又高又低

多謝指教.

好消息 ! 好消息 !

佢有起色啦, D 更開始有新牙出啦, 而底部也開始有新牙葉啦, 我已把較長的更再修剪了小小.

well done!可以拿出來分享啊！

亞飛, 我第一次學人修剪花, 臨落剪嗰下, 真是猶豫了好久, 好久, 好久, 好彩決定無錯, 見她又開始新生, 先定返 D 咋 !  

Donder 剪落黎d枝條插水可以生根，不如你发個帖係分享版問吓 有冇人要。 聖誕花 我都話在香港很粗生，根本唔使担心。

依家下面出了芽，你盡留最下面你想要的枝條，你棵嘢個頭咁粗，留十條八條都得。不過個盆都唔可以太細，要薄肥勤施肥。上面的高芽可以不要，因為會越生越幼，同埋搶咗下面d芽的养份。