一早起身睇到三號波,心諗:D菜心點算好,得果20日,會唔會香哂架!
返到公司,早餐都未食,就同MANDY夾手夾腳搬哂所有可以搬得郁既返入室內,包括有:辣椒樹、南瓜BB、家樂花三姊妹、重生中的綉球花、七八盤蘆薈BB同埋一堆不知名又冇人認領既小植物。
又將六七盤比較大盤既植物用大石頭責住,諗諗下又驚太大風唔夠力,又將D盤搬近擋風位,又用大石頭責住。
格仔田就夾多左好多個夾夾,而蕃茄就加固保護。
攪左一陣就成身汗,果刻!我終於感受到一個農民有幾咁怕打風,同埋一打風要做既準備有幾多。
希望所有農作物都可以平安咁渡過呢兩日啦!
千其唔好打死我D菜心呀~~~