真係比細佬激死=.=.. 到今日為止已經唔睬佢成個星期了, 哩個星期佢都冇叫過我一句, 一見到我就閃閃縮縮。到今日佢比人鬧完, 佢地原諒佢後, 成晚一有機會就係咁同我講野, 佢知我重未原諒佢, 所以佢一路都就住就住講野, 唔敢同我陏手陏腳, 直到去惠康買野時, 側側博就搭住我傾計, 好似沒事發生過一樣.. 本來我唔打算原諒佢的.. 佢比人鬧完唔代表我要原諒佢嘛..
雖則話唔理佢.. 但昨天同今天我sd左最少10個短訊比佢.. 有鬧既, 有發悔氣既, 有叫佢同佢地道歉等等@@" 佢有d都有覆, 佢都話自己衰, 唔係話我唔岩.. 真係唔明.. 次次佢都話知衰, 但又次次都會重犯.. 有冇d方法令佢記得呢~"~
最後諗到我根本沒可能一世唔理佢, 反正佢又唔會當面同我講對唔住, 加上晚上時關係冇咁緊張, 比佢側側博傾返計, 咁又無謂拉返緊啦, 到時大家又要找個落台楷就煩了, 所以我用sms同佢講我再信埋佢哩一次, 再有下次我真係同佢斬件, 佢亦都答應我唔會再有下次, 真係唔明, 點解要搞到我咁鬼煩呀=.=..
ps. 發現佢真係好冇記性.. 4月去過澳門我唔講佢都唔記得左.. 有時真係唔知佢真唔記得定扮唔記得=口="