園藝真的是只有大年紀的人才會做嗎？

顯示全部樓層

本帖最後由 icesea 於 2018-7-20 16:49 編輯

種植物，不論是花、香草、蔬菜，真的是只有大年紀的人才會做嗎？

我進修時有一位同學，有次學校活動出來經過花墟，我買了一盆花，她問我，是不是喜歡種花，我回答是，還有養魚，之後她就問我多少歲！
她說多數上了年紀才會喜歡種花養魚，她說自己就不喜歡做這種事！

我心想，是不是十幾二十歲就一定不會種花養魚？

你們又是不是出來工作才開始種花呢？

KatKichi · 發表於 2018-7-20 16:06:48

讀中學個陣已經鐘意左種花，不過真系少，全級得我一個咁鐘意種花

icesea · 發表於 2018-7-20 16:39:13

本帖最後由 icesea 於 2018-7-20 16:44 編輯

KatKichi 發表於 2018-7-20 16:06
讀中學個陣已經鐘意左種花，不過真系少，全級得我一個咁鐘意種花

我小學時種過綠豆，我是喜歡在公園拍照影花，都是出來工作後才開始種！

icesea · 發表於 2018-7-20 16:43:09

除了早年康文署的「賽馬會一人一花計劃」迫很多中、小學，甚至幼稚園參加種花外，應該都不會有中小學生去種？

我心想這個計劃會不會令人討厭園藝？

KatKichi · 發表於 2018-7-21 09:27:35

icesea 發表於 2018-7-20 16:43
除了早年康文署的「賽馬會一人一花計劃」迫很多中、小學，甚至幼稚園參加種花外，應該都不會有中小學生去種 ...

無參加過呢個計劃，但學校有搞過天台種菜嘅比賽，不過好多都有頭無尾，任佢地自生自滅

Sumbie · 發表於 2018-7-21 13:30:15

我剛開始返工就搬出來住，已經養魚及種花，嗰時二十幾歲。一路工作的目標都係買有花園的屋。一路身邊認真養魚及種花的都係三四十歲以上⋯⋯之前有個朋友同我一樣有花園，初初大家會成日去花墟買苗，但後來佢開始懶，種嘢交曬比佢媽媽⋯⋯之後媽媽又開始懶⋯⋯

花开花落 · 發表於 2018-7-21 14:14:24

我是从仔女参加一人一花計划开始留意种花

KatKichi · 發表於 2018-7-21 14:43:14

Sumbie 發表於 2018-7-21 13:30
我剛開始返工就搬出來住，已經養魚及種花，嗰時二十幾歲。一路工作的目標都係買有花園的屋。一路身邊認真養 ...

叫佢地交俾你

KatKichi · 發表於 2018-7-21 18:23:04

細個係大陸有天台又有露台，媽咪種好多植物，黎到香港無人打理已經荒廢，細個唔識野，宜家諗翻都覺得可惜
唉~係香港連種花個位都難搵

icesea · 發表於 2018-7-21 23:30:44

花开花落發表於 2018-7-21 14:14
我是从仔女参加一人一花計划开始留意种花

看來都有人因為「一人一花計劃」學會種花！

leoleo · 發表於 2018-7-22 10:47:15

年輕的真係好少，十個人有一個半個吧，我有時都俾人笑，尤其我話去買泥/淘植物/行花墟。
利申廿x歲。

mikilovefan · 發表於 2018-7-23 00:48:59

應該唔關事宜
我2x歲喜歡種多肉及蔬果
有租田種菜好enjoy呢個生活

alexkai · 發表於 2018-7-23 14:14:25

在我認識的人中, 種花的人的確是沒有40歲以下

年輕人都顧著玩手機, 莫說是園藝, 連普通行街運動都少了.
園藝要有適合的地方,又有積水蚊蟲問題等, 如果沒有家人支持配合, 很難成事.
我覺得生活安定多空餘時間的人, 才會有閒情種花花草草, 而這類人通常是上了年紀的人.

Sumbie · 發表於 2018-7-23 22:52:34

本帖最後由 Sumbie 於 2018-7-23 22:53 編輯

我讀中學個年代都係剛剛開始有得上網，仲要係好貴嗰隻，要上到大學先至有得用學校資源。回想起當時都有好多同學會種植紫羅蘭，不過都係要去書局買書、圖書館借書先至學到知識。以前放學就去康怡吉之島商務印書館睇書。但係以前書本上都係一啲好基本嘅嘢。

之後都有種唔同嘅嘢，但係始終冇現在咁方便可以同人上網交流，經歷左好多次失敗！

以前蝴蝶蘭邊有咁流行？現在$100有三盆，以前$300先有一棵！邊個會教點種？只可以問花店，但係花店都係好求其叫你一個星期淋一次水，唔會教你更換水苔、點樣復花呢啲知識。現在就真係好方便了！六七年前當我有自己嘅花園，開始上來呢度同人交流，亦都可以上網 research ，真係容易左好多！

leoleo · 發表於 2018-7-24 00:20:29

之前多肉潮開始時，我有期待過會掀起青年一代的興趣，因為唔需太多時間打理，有型的品種又多，但都係推動唔到個種植風…

其實種野的門檻唔高，e.g.價錢/難度/時間等等，只係未成風潮，好似唔夠young，先吸引唔到新一代。

powergun · 發表於 2018-7-24 10:07:41

其實唔奇的, 細細個或年輕人鍾意種花唔奇, 但未必可長久, 可能隨環境改變, 例如轉工, 拍拖, 生仔等等, 佢地未必可有時間種花的, 反而年紀較年長的, 就確實有較多較穩定的時間去種花

jellyfishy · 發表於 2018-7-25 09:38:44

可能行業關係, 我很多朋友有種花.

Sumbie · 發表於 2018-7-25 11:28:28

jellyfishy 發表於 2018-7-25 09:38
可能行業關係, 我很多朋友有種花.

好奇一問你做邊行？真係估唔到邊行會多人鍾意種花

powergun · 發表於 2018-7-25 17:59:54

Sumbie 發表於 2018-7-25 11:28
好奇一問你做邊行？真係估唔到邊行會多人鍾意種花

做邊行都無問題,, 只要你當本論壇花友係朋友, 就知一定有好多朋友種緊花

jellyfishy · 發表於 2018-7-26 09:10:21

powergun 發表於 2018-7-25 17:59
做邊行都無問題,, 只要你當本論壇花友係朋友, 就知一定有好多朋友種緊花 ...

係呀~ 我响呢度識到好多花友, 數數下三打以上架 , 後來發現有些是同行添. 好開心架~

園藝真的是只有大年紀的人才會做嗎？

評分

評分

評分